Gamere-Zihiga

Gamere-Zihiga
Zuberoa
Gamere herria.
Izen ofiziala	Camou-Cihigue
Estatua Eskualdea Departamendua Barrutia Kantonamendua	Frantzia Akitania Pirinio Atlantikoak (64) Oloroe-Donamaria Atharratze-Sorholüze
Alkatea	Jean-Baptiste Ager (2008-2014)
Herritarra	Gamerear-zihigar
Koordenatuak	43°7′2″N 0°54′17″W
Eremua	10,08 km2
Garaiera	208 - 1.009 m
Posta kodea	64479
INSEE kodea	64162
Biztanleria	107 bizt
Dentsitatea	10,62 bizt/km²
Sorrera	1836

Zihiga

Gamere-Zihiga Zuberoako udalerria da, Basabürüako Ibarresküinean kokaturik dagoena.

Geografia

Ingurune naturala

Uhaitzandi ibaira isurtzen diren hainbat erreka igarotzen dira udalerritik. Hainbat kobazulo aurki daitezke udalerriko lurretan, famatuena monumentu historiko izendaturik dagoen Etxeberriko karbia delarik. XIX. mendearen bukaeran, udalerriko lurren zati handi bat Arbailetako basoak hartzen zuen. Oxibar kobazuloa ere aipatzeko modukoa da.

Udalerri mugakideak

• Ozaze-Zühara iparraldean.
• Altzürükü ipar-mendebaldean
• Aloze-Ziboze-Onizegaine ekialdean
• Altzai-Altzabeheti-Zunharreta hegoaldean

Historia

1836. urtean Gamere eta Zihiga herriak batu egin ziren udalerri bakar bat osatzeko.

Demografia

Biztanleriaren bilakaera 1793 1800 1806 1821 1831 1836 1841 1846 1851 171 143 129 160 363 371 337 349 351 1856 1861 1866 1872 1876 1881 1886 1891 1896 345 325 321 312 298 306 300 286 280 1901 1906 1911 1921 1926 1931 1936 1946 1954 271 268 253 238 222 200 209 212 167 1962 1968 1975 1982 1990 1999 2007 - - 171 148 140 133 119 114 106 - -

2007ko biztanleria INSEEk eginiko behin-behineko zenbaketa da

Kultura

2007ko pastorala

2007ko pastorala Gamere-Zihigan

2007an (uztailak 29 eta abuztuak 5), Gamere-Zihigak Eñaut Elizagarairi buruzko pastorala prestatu zuen. Eñaut Elizagarai Frantziako Louis XIV.aren errege-armadaren jenerala izan zen, Armendaritzen jaioa

Ondasun nabarmenak

• Laminen ziloak, Eiezkia etxetik hurbil dagoen hiru zulotako multzoa da, bertatik 34 Â°C-tara ur gazia ateratzen delarik. Ur honek propietate sendagarriak omen ditu.
• Etxeberriko karbia, goi paleolitoko irudiak dituen kobazuloa da. Monumentu historiko dago izendaturik 1952. urteaz geroztik.
• Gamereko Done Petri elizak jatorria Erdi Aroan jatorria duen arren XIX. eta XX. mendeetan zehar zenbait konponketa eta berriztapen izan ditu.
• Zihigako eliza ere Erdi Arokoa da eta 1828. urtean berriztatu zen.

Zihigako eliza

Gamerear eta zihigar ezagunak

• Kadet Otsibar (1880 - 1968) idazle eta misiolaria Gameren jaioa da.