Gaston Paris
Wikipedia(e)tik
Gaston Paris (Avenay-Val-d'Or, Marne, Frantzia, 1839ko abuztuaren 9a - Cannes, Frantzia, 1903ko martxoaren 5a) frantziar jakituna izan zen.
Biografia[aldatu]
Erdi Aroko Frantziako literatura-irakaslea izan zen Collège de France eskolan, eta ikastetxe horretako administratzaile, 1895. urteaz geroztik. Revue critique (1866) eta Romania (1872) filologia frantsesari buruzko aldizkarien sortzaileetariko bat izan zen.
Erdi Aroko Frantziako literaturari buruzkoak dira Paris-en obra nagusiak: Histoire poétique de Charlemagne (1865, "Karlomagnoren historia poetikoa"), La Poésie au Moyen Age (1885, "Erdi Aroko poesia"), Les Légendes du Moyen Age (1903, "Erdi Aroko elezaharrak").
Erreferentziak[aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
