Gautegiz-Arteaga

Artikulu hau Busturialdeko udalerriari buruzkoa da; beste esanahietarako, ikus Arteaga (argipena).

Gautegiz-Arteaga
Bizkaia
Herriaren ikuspegia.
Izen ofiziala	Gautegiz-Arteaga
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Bizkaia Busturialdea
Alkatea	Juan Felix Naberan (EAJ)
Herritarra	arteagar
Koordenatuak	43°21′15″N 2°38′53″W
Eremua	13,57 km2
Garaiera	45 m
Distantzia	38 km Bilbora
Posta kodea	48314
Biztanleria	910 bizt. (2012)
Dentsitatea	67,06 bizt./km²
http://www.gautegizarteaga.com/

Gautegiz-Arteaga Bizkaiko barnealdean eta iparraldean dagoen udalerria da, Busturialdea eskualdekoa da. Oka ibaiaren ekialdean kokaturik dago.

2012. urtean 910 biztanle zituen.

Geografia

Auzoak

Herriaren auzoburua Zelaieta da eta bertan daude udaletxea, eliza eta herriko plaza. Horrez gain, Basetxeta, Isla Goikoa, Isla Bekoa, Muruetagane, Orueta eta Tremoia auzoak daude.

Inguru naturala eta klima

Itsasadarra

Udalerri hau Urdaibaiko biosferaren erreserbaren barnean dago. Herria errepidearen bi alboetan zehar hedatzen da eta bertan biltzen dira biztanle gehienak.

Bestela, Gernikako itsasadarraren ezkerraldean dago kokatuta. Bertan, Euskal Herrian oraindik ikusgai dagoen marea-errota bakarrenetarikoa dugu, Koba Errota izenekoa, Lekeitiokoa eta beste gutxi batzuekin batera.

Klima

Gautegiz-Arteagako klima ozeaniko hezea da, korrente bero baten eraginarekin, eta urte osoan zehar temperatura lasaiekin. Ipar eta Iparmendebaldeko haizeak ohikoak dira urte osoan zehar. Euriak udazkenean eta udaberrian ugariak izaten dira, negu onberarekin eta uda ez oso beroekin. Itsasoko brisek tenperaturetan eragina dute urte osoan, eta barrualdeko beroak nekez iristen dira kostaldera udan.

Udalerri mugakideak

Iparraldean Ibarrangeluko udalerriarekin egiten du muga, mendebaldean Oka ibaiarekin, ekialdean Ereño eta hegoaldean Kortezubirekin.

Demografia

Gautegiz-Arteagako biztanleria

1897	1900	1910	1920	1930	1940	1950	1960	1970	1981	1991	2001	2006
1.392	1.367	1.418	1.418	1.515	1.279	1.268	1.107	1.011	758	752	843	882

Ondasun nabarmenak

Gaztelua

Sakontzeko, irakurri: Eugenia de Montijo enperatrizaren gaztelua

Arteagako dorretxea

Gautegiz-Arteagako eraikinik garrantzitsuena "Arteagako dorrea" edo gaztelua da.

Erdi Aroko dorretxe baten hondarren gainean berreraiki zen, Eugenia Montijokoaren aginduz, Napoleon III.a bere senarraren garaian. Gaur egun, Arteagako dorretxean jatetxe eta hotel txiki bat daude.

Herritar ezagunak

• Angel Zabala Ozamiz Kondaño, (1866-1940), EAJko politikaria.

Ikus, gainera

• Bizkaiko udalerrien zerrenda

Kanpo loturak

• (Euskaraz) Gautegiz-Arteagako udalaren webgunea.