Gazte Abertzaleak

Gazte Abertzaleak (GA) Eusko Alkartasuna alderdiaren gazte erakundea da. Euren hitzetan Euskal Herriaren askapen nazionalaren eta justizia sozialaren lorpenerako lan egiten duen gazte talde eraldatzailea da. Bere burua independentista eta ezkerrekotzat jotzen du. Erakunde honek konpromiso antimilitarista, bakezalea eta bortizkeriaren aurkakoa nabarmendu du sortu zenetik.

Euskal Herriko zazpi lurraldeetan ditu ordezkaritzak, lurraldetasunaren kontzeptuan murgilduz, bailaren nagusitzea sustatzen dute, muga administratibo ez naturalak ekiditearren.

Era berean, euskal diaspora onartzen dute, bere delegazio nagusia Gazte Abertzaleak- Argentina izanik, eta EFAYren ("Europako Elkargo Librea"ren gaztedia) sortzaileetariko bat da. Gaztekari aldizkaria erakunde kanpora egindako boletina argitaratzen dute eta Gazteberri erakunde barnekoa.

Historia

1988. urtean sortua Euskal Herriko independentzia aldarrikatzeko sortu zen gazte taldea izan zen. Europan Euskal Errepublikaren sorkuntza bultzatu eta gazteen arteko alkartasuna aldarrikatuz lanean jardun duena. Militarismoaren aurka, bakearen alde, ekologismoa, justizi sozial, gizaeskubideen urraketen aurka eta garapen jasankorraren alde egin dute urte guzti hauetan.

2003. bere XV. urteurrena ospatu zuten Tolosan.

2007ko otsailean "Ausardiaz" lelopean IX. Biltzar Nagusia ospatu zuten Deban (Gipuzkoa): Harkaitz Millan Idazkari Nagusi bezala izendatua izan zen, Ibon Usandizagak uzten zuen postua hartuta.

2008ko maiatzak 10 eta 11 bitartean X. ez ohizko Biltzar Nagusia ospatu zuten Bilbon, "Indarberrituz" lelopean, Alain Zamorano Idazkari Orokorra hautatuz.

2009ko irailak 3an prentsa aurreko baten bitartez XI. Biltzar Nagusiaren berri ematen zen, "Hamaika Ikusitakoak" lelopean, gazte erakundeak 20 urteren buruan bizi izan dituen bizipen ugari bere erakunde nortasunaren xedea izanik. Biltzar Nagusi honetan Maider Carrere, gazte donostiarra, Idazkari Nagusi legez izendatua izan zen, erakundeko postu gorenean egongo den lehen emakumea izanik.

Aldi berean, asteburu horretan bertan, erakundeak Gasteizko Jimmy Jazz aretoan, 400 pertsona baino gehiago erakarri zuen kontzertua Delorean eta Rosa Luxemburg taldeek jo egin zuten.

Harremanak

Gazte Abertzaleak-ek beste bi erakundeekin harremanetan dago: bata Bizigay da, homosexual, lesbianen eta transexualen eskubideen aldeko borrokan erabat murgilduta dagoena; bestea Elkarlanean, ikasle sindikatua.

"Gazteok Bai" eta "EFAY"ren sortzaileetariko bat da. Bilboko festetan, besteak beste, Aberrigintzan kultur elkartea bezalako erakundeekin bat egiten du.

Azkeneko urtean, 2010ean GaztEHerria mugimenduaren sorreran parte hartu zuen, 2010eko martxoaren 11an publikoki aurkeztu zutena beste eragileekin batera. Bertan Durangon egin zen jaialdi erraldoi baten berri emateaz gain, bestelako ekimenak ere iragarri zituzten. Horietako bat maiatzaren 28an Bruselan eginiko manifestaldia izan zen. Manifestaldi hau antolatzeko nazioarteko hainbat eragileren laguntza izan zuten.

Idazkari Nagusiak

• 1988 - 1990 -> Sabin Arana
• 1990 - 1992 -> Fernando Velasco
• 1992 - 1994 -> Yon Goikoetxea
• 1994 - 1996 -> Jon Ander Arrieta
• 1996 - 1998 -> Pello Urizar
• 1998 - 2002 -> Martin Aranburu
• 2002 - 2004 -> Andoni Iturzaeta
• 2004 - 2007 -> Ibon Usandizaga
• 2007 - 2008 -> Harkaitz Millan
• 2008 - 2009 -> Alain Zamorano
• 2009 - 2012 -> Maider Carrere
• 2012 - Orain -> Haritz Pérez

Gazte Abertzaleen kide ohi ezagunak

• Martin Aranburu
• Ikerne Badiola
• Mikel Irujo
• Onintza Lasa
• Maiorga Ramirez
• Elisa Sainz de Murieta
• Pello Urizar
• Fernando Velasco
• Maider Carrere

Kanpo loturak

• Gazte Abertzaleaken webgunea
• Buletin elektronikoa
• Twitter profila
• Denda ofiziala
• Foroa