George Sand

Wikipedia(e)tik
Hona jo: nabigazioa, Bilatu
George Sand
George Sand
George Sand-en erretratua bere gazte-garaian
Datu pertsonalak
Izen osoa Amandine Aurore Lucile Dupin
Jaio 1804ko uztailaren 1a
Paris (FrantziaFrantzia)
Hil 1876ko ekainaren 8a
Nohant (FrantziaFrantzia)

George Sand (jaiotza-izena: Amandine Aurore Lucile Dupin), Dudevant baronesa, (Paris, Frantzia, 1804ko uztailaren 1a - Nohant, 1876ko ekainaren 8a), idazle frantziarra izan zen. Feminismoaren aitzindari, nobelak, ipuinak, antzezlanak, autobiografia bat, literatur kritika, politika-testuak eta abar idatzi zituen. Baina ez bakarrik literatura, pintura ere landu zuen. Aldi berean, politikarekin arduratutako emakumea izan zen, eta, neurri batean, 1848ko behin-behineko gobernuan parte hartu zuen.

Biografia[aldatu | aldatu iturburu kodea]

Parisen jaio zen 1804an, baina bere haurtzaroaren zatirik handiena Nohanten eman zuen (Frantziako Indre departamenduan), bere amonaren zaintzapean. Leku hori geroagoko bere nobela batzuetan agertuko da. 1822an Casimir Dudevant baroiarekin ezkondu zen, eta bi seme-alaba izan zituzten. 1831an banandu egin ziren, eta bere bi seme-alabak berekin eraman zituen Parisa. Bost urte geroago, dibortzioa lortu zuen.

Bere senarra utzi ondoren, Aurore jantzi maskulinoen aldeko joera hartzen hasi zen, nahiz eta bilera sozialetan jantzi femeninoak janzten jarraitu. Horrela jantzita joateak Parisen zehar libreago ibiltzeko aukera eman zion; hala, bere egoera sozialeko emakume batentzat bestela debekatuak liratekeen lekuetara sartzeko aukera izan zuen. Horren guztiaren ondorioz, baroisa bihurtu zenean lortutako pribilegioetako batzuk galdu zituen. Amodio-bizitza mugitua izan zuen, maitale ugarirekin eta beragan eragina izan zuen zenbait harremanekin; Jules Sandeau idazlearekin, bere izengoitia eman ziona; Alfred de Musset poetarekin; Michel de Bourges abokatuarekin; Frédéric Chopin musikariarekin. Jules Sandeauren harremanaren ondoren, eta Alfred de Mussetena baino lehen, Prosper Mérimée idazle eta arkeologoarekin ere zorigaiztoko amodio-kontu labur bat izan zuen. Comédie-Françaiseko aktore Marie Dorvlarekin ere ezkutuko harremana izan zuen, Lélia liburua inspiratuko ziona.

Nobela sozialak eta sentimentalak idatzi zituen.

Obra nagusia[aldatu | aldatu iturburu kodea]

  • Valentine (1831)
  • Indiana (1832)
  • Lélia (1833)
  • Jacques (1834)
  • André (1835)
  • Mattéa (1835)
  • Leone Leoni (1835)
  • Simon (1836)
  • Pauline (1840)
  • Horace (1842)
  • La Petite Fadette (1849)
Wikiesanetan artikulu bat dago honi buruz:
George Sand
Commonsen badira fitxategi gehiago, gai hau dutenak: George Sand Aldatu lotura Wikidatan