George Sanders

Wikipedia(e)tik
Hona jo: nabigazioa, Bilatu
'George Sanders'
George Sanders
Datu pertsonalak
Izen osoa George Henry Sanders
Jaio 1906ko uztailaren 3a
San Petersburgo (Errusiar Inperioa)
Hil 1972ko apirilaren 25a
Bartzelona (Espainia)
Lan nabarmenenak Rebecca (1940)
The Black Swan
The Picture of Dorian Gray (1945)
All About Eve (1950)
While the City Sleeps (1956)
Village of the Damned (1960)
Sariak Gizonezko bigarren aktore onenaren Oscar saria, All About Eve (1950)
IMDB IMDBko fitxa



George Henry Sanders (1906ko uztailaren 3a – 1972ko apirilaren 25a) aktore britaniarra izan zen.


Sanders San Petersburgon jaio zen , artean Errusiar Inperioa, Henry Sandersen (1873-1961) eta Margaret Sandersen (1875-1967) seme. Anaia nagusia ere, Tom Conway (1904-1967), aktorea izan zen. 1917an, sovietar iraultzaren piztearekin, familia Ingalaterrara itzuli zen. Eskola-urteak Brightonen eman zituen eta gerora Manchesterreko unibertsitatean jardun zuen. Graduatu ostean enpresa batean hasi zen lanean, eta bertako lankide batek bultzatuta, Greer Garson aktorea izango zenak, antzezteari ekin zion.

1929koa da Sandersen aurreneko lana zineman. Zazpi urte geroxeago osatu zuen bere lehen parte hartzea amerikar ekoizpen batean: Lloyd's of London (1936). Erakutsitako moldeak eta moduak lan-eskaintza asko ekarri zizkion eta hurrengo urteetakoak dira, besteak beste: Rebecca (1940), The Black Swan (1942) edo The Picture of Dorian Gray (1945). 1947an Gene Tierney eta Rex Harrison aktoreekin batera The Ghost and Mrs. Muir filmean aritu zen. 1950ean Gizonezko bigarren aktore onenaren Oscar saria lortu zuen, All About Eve (1950) Joseph L. Mankiewiczen aginduetara eginiko pelikulan.

Telebistan ere aritu zen, eta arrakasta handiarekin, bere izena zuen saioan: The George Sanders Mystery Theater. Aldez aurretik, 1939 eta 1941 bitartean RKO Pictures etxearen ekoizpena izan zen serie batean ere hartu zuen parte, The Saint pertsonaiarenean hain zuzen ere. Ahots gaiztoa erantsi zion marrazki bizidunetako Disney etxearen The Jungle Book filmeko Shere Khan sugeari. Beste alde batetik, Sandersek idatzi ez bazituen ere, berak hala sinatuta argitara eman zituzten hilketa-eleberri bi: Crime on My Hands (1944) eta Stranger at Home ( 1946); Craig Rice eta Leigh Brackett andreek idatzitako testuak ziren, eta aktorearen ospea salmentetarako baliatu zuten. Eta musikaren arloan ere aipatzekoa da 1958an grabatu zuen diskoa: The George Sanders Touch: Songs for the Lovely Lady.

Sandersen autobiografiak Memoirs of a Professional Cad du izentzat eta 1960an eman zuen argitara. Bizitzako azken urteetan neurrigabe hasi zen edaten eta ez zuen bere burua behar beste zaintzen. Zinemarako osatu zituen azken lanetan gainbehera agerikoa da.

1972ko apirilaren 23an Castelldefels herriko hotel batean egin zuen erregistroa, eta handik bi egunera hilik aurkitu zuten bere gelan: itxura batean Nembutal izeneko botika baliatu zuen bere buruaz beste egiteko.[1] 65 urte zituen. Idatzita utzi zuen ohar batek hala zioen:


« Lagunok, banoa asper-asper eginda nagoelako. Luzeegi egin zait bizitza. Putzu gozo honetan utzi ditut nire kezkak. Ondo ibili.  »

—George Sanders


David Nivenek bere autobiografian (Bring On the Empty Horses) idatzi zuen Sandersek 1937an aitortu ziola 65 urte bete orduko bere burua hilko zuela.

Lord Henry Wotton pertsonaiarena egin zuen The Picture of Dorian Gray (1945) filmean.












Filmografia[aldatu | aldatu iturburu kodea]

Urtea Filma Zuzendaria Oharrak
1934 Love, Life and Laughter Maurice Elvey Ez da kredituetan ageri
1936 Dishonor Bright Tom Walls
Find the Lady Roland Grillette
Things to come William Cameron Menzies Ez da kredituetan ageri
Strange Cargo Lawrence Huntington
Lloyd's of London Henry King
1937 Lancer Spy Gregory Ratoff
Love is News Tay Garnett
Slave Ship Tay Garnett
The Lady Escapes Eugene Forde
1938 Four Men and a Prayer John Ford
International Settlement Eugene Forde
1939 Allegheny Uprising William A. Seiter
Confessions of a Nazi Spy Anatole Litvak
Mr. Moto's Last Warning Norman Foster
Nurse Edith Cavell Herbert Wilcox
So This is London Thornton Freeland
The Outsider Paul L. Stein
The Saint Strikes Back John Farrow
The Saint in London John Paddy Carstairs
1940 Green Hell James Whale
The Saint's Double Trouble Jack Hively
The Saint Takes Over Jack Hively
Bitter Sweet W. S. Van Dyke
The Son of Monte Cristo Rowland V. Lee
The House of Seven Gables Joe May
Rebecca Alfred Hitchcock
Foreign Correspondent Alfred Hitchcock
1941 The Saint in Palm Springs Jack Hively
Sundown Henry Hathaway
The Gay Falcon Irving Reis
Rage in Heaven W.S. Van Dyke
Man Hunt Fritz Lang
A Date with the Falcon Irving Reis
1942 The Falcon Takes Over Irving Reis
The Falcon's Brother Stanley Logan
Son of Fury: The Story of Benjamin Blake John Cromwell
The Black Swan Henry King
Tales of Manhattan Julien Duvivier
Her Cardboard Lover George Cukor
The Moon and Sixpence Albert Lewin
Quiet Please, Murder John Larkin
1943 Appointment in Berlin Alfred Green
Paris After Dark Leonide Moguy
They Came to Blow Up America Edward Ludwig
This Land is Mine Jean Renoir
1944 Action in Arabia Leonide Moguy
Summer Storm Douglas Sirk
The Lodger John Brahm
1945 Hangover Square John Brahm
The Picture of Dorian Gray Albert Lewin
The Strange Affair of Uncle Harry Robert Siodmak
1946 A Scandal in Paris Douglas Sirk
The Strange Woman Edgar G. Ulmer
1947 Forever Amber Otto Preminger
Lured Douglas Sirk
The Ghost and Mrs. Muir Joseph L. Mankiewicz
The Private Affairs of Bel Ami Albert Lewin
1949 Blackjack Julien Duvivier eta José Antonio Nieves Conde
Samson and Delilah Cecil B. De Mille
The Fan Otto Preminger
1950 All About Eve Joseph L. Mankiewicz Gizonezko bigarren aktore onenaren Oscar saria lortu zuen
1951 I Can Get It for You Wholesale Michael Gordon
1952 Assignment-Paris Robert Parrish
The Light Touch Richard Brooks
Ivanhoe Richard Thorpe
1953 Call Me Madam Walter Lang
1954 King Richard and the Crusaders David Butler
Journey to Italy Roberto Rossellini aka Viaggio in Italia
Witness to Murder Roy Rowland
1955 Jupiter's Darling George Sidney
Moonfleet Fritz Lang
The Big Tip Off Frank McDonald Sandersek eginiko lana azken muntaian baztertua izan zen.
The King's Thief Robert Z. Leonard
The Scarlet Coat John Sturges
A Portrait Of Murder John Brahm Telebistarako filma
1956 Death of a Scoundrel Charles Martin
Ford Star Jubilee: You're the Top
Never Say Goodbye Jerry Hopper
That Certain Feeling Melvin Frank eta Norman Panama
While the City Sleeps Fritz Lang
1957 The Seventh Sin Ronald Neame
1958 From the Earth to the Moon Byron Haskin
The Whole Truth Dan Cohen eta John Guillermin
1959 Solomon and Sheba King Vidor
That Kind of Woman Sidney Lumet
1960 A Touch of Larceny Guy Hamilton
Bluebeard's Ten Honeymoons W. Lee Wilder
Cone of Silence Charles Frend
The Last Voyage Andrew L. Stone
Village of the Damned Wolf Rilla
1961 Five Golden Hours Mario Zampi
Le Rendez-Vous Jean Delannoy
The Rebel Robert Day aka Call Me Genius
1962 In Search of the Castaways Robert Stevenson
Operation Snatch Robert Day
1963 Cairo Wolf Rilla
The Cracksman Peter Graham Scott
1964 A Shot in the Dark Blake Edwards
Dark Purpose George Marshall eta Vittorio Sala aka L'Intrigo
1965 The Golden Head James Hill
Last Plane to Baalbeck Marcello Giannini aka F.B.I. Operazione Baalbeck
The Amorous Adventures of Moll Flanders Terence Young
1966 The Quiller Memorandum Michael Anderson
Trunk to Cairo Menahem Golan eta Raphael Nussbaum aka Einer spielt falsch
1967 Good Times James Hill
Caccia ai violenti Nino Scolaro eta Sandy Howard aka King Of Africa
The Jungle Book Wolfgang Reitherman Shere Khan tigrearen ahotsa
Warning Shot Buzz Kulik
1968 The Girl from Rio Jesus Franco aka The Seven Secrets of Sumuru, Future Women
1969 The Best House In London Philip Saville
The Body Stealers Gerry Levy aka Thin Air
The Candy Man Herbert J. Leder
1970 The Night of the Assassins
The Kremlin Letter John Huston
1972 Doomwatch Peter Sasdy
Endless Night Sidney Gilliat
1973 Psychomania Don Sharp aka The Death Wheelers


Erreferentziak[aldatu | aldatu iturburu kodea]

  1.   Ascher-Walsh, Rebecca, Bored to Death, Entertainment Weekly, http://www.ew.com/ew/article/0,,310396,00.html .

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: George Sanders Aldatu lotura Wikidatan