Georges Prêtre

Wikipedia(e)tik
Hona jo: nabigazioa, Bilatu

Frantses orkestra-zuzendaria (Waziers, 1924). Tronpeta eta konposizioa Parisko Kontserbatorioan ikasi zituen. Ondoren, orkestra-zuzendaritza ikasten hasi zen, André Cluytensekin batera. Berehala, errepertorio lirikoari lotu zitzaion, eta Frantziako opera-antzokietan zuzendari aritu zen, Marseillan, besteak beste. Okzitaniako Tolosako Capitoleko musika-zuzendaria izan ondoren (1951-1955), Opera Komikoko zuzendari jardun zuen 1956tik 1959ra. Estatu Batuetan, Chicagon egin zuen debuta, eta, gero, 1960an, Parisko Operako zuzendaria izan zen. 1962an, Londresko Orkestra Filarmonikoko zuzendari titular izendatu zuten. Horretaz gainera, antzoki nagusietara gonbidatu dute: Londresko Covent Garden, New Yorkeko Metropolitan Opera, Milango Scala eta Vienako Operara. Maria Callasen zuzendari izan zen behin baino gehiagotan, eta harekin grabatu zituen Giacomo Pucciniren Tosca eta Georges Bizeten Carmen. XIX. mendeko frantses eta italiar errepertorioa landu du, batez ere.

Erreferentziak[aldatu | aldatu iturburu kodea]