Georgi Dimitrov
Bulgariar politikaria (Kovatxevski, 1882 - Mosku, 1949). Bulgariako diputatu hautatu zuten 1913. urtean, eta urtebete geroago Bulgaria, Alemaniarekin bat eginik, Gerran sartzearen aurka azaldu zenez gero, espetxeratu egin zuten 1915-1917. urteen bitartean. 1920. urtean Errusiara erbesteratu zen. Han, komunismoko buruetako bat bihurtu zen bai Bulgarian eta bai Alemanian eta Sobietar Batasunean. Berriz ere erbestera jo behar izan zuen, eta Alemanian atxilotu zuten naziek 1933. urtean. Hurrengo urtean aske utzi eta Sobietar Batasunera itzuli zen, eta bertako hiritartasuna eskuratu ondoren, Kominterneko idazkari nagusi izendatu zuten. 1944. urtean Bulgariara itzuli eta monarkia baztertu ondoren, Kontseiluko buru hautatu zuten (1946-1949).
Erreferentziak
 |
Wikimedia Commonsen badira fitxategi gehiago, gai hau dutenak: Georgi Dimitrov  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.