Georgiera

Wikipedia(e)tik
Hona jo: nabigazioa, Bilatu
Georgiera / Kartveliera
ქართული Kartuli
Non mintzatzen den: Georgia, Iran, Azerbaijan, Turkia, Errusia
Eskualdea: Kaukaso
Hiztunak: 4,1 milioi [1]
Hizkuntza familia: Hego kaukasoarra
 Georgiera / Kartveliera
 
Estatus ofiziala
Hizkuntza ofizialtzat duten lurraldeak: Georgia
Erakunde araugilea: Ez du
Hizkuntza kodeak
ISO 639-1: ka
ISO 639-2: geo (B)  kat (T)
ISO 639-3: kat

 

Georgiera edo kartveliera[2] Georgiako hizkuntza ofiziala da. Herrialde honetan, biztanleriaren %83aren jatorrizko hizkuntza da, eta beste 500.000 bat lagunek herrialdetik at mintzatzen dute. Hizkuntza hau alfabeto berezi batez idazten da, Georgiar alfabetoa hain zuzen.

Georgierari kartveliera izena ere ematen zaio, georgiera eta hizkuntza hego-kaukasoarrak nahasiz, kartveliera hizkuntza hego-kaukasiar guztiei emaniko izena baita.[erreferentzia behar] Georgiera hizkuntza hauen erreferente literario ia bekarra da, hala ere. Hauetako aldaera bat, juduek hitz egiten dutena, kivrulia, 20.000 lagunek mintzatzen dute Georgian eta 65.000k bertatik kanpo (Israelen batez ere).

"Dené-Kaukasoar hizkuntzak" eta "Euskal-Kaukasoar hizkuntzak" hipotesien arabera, euskararen jatorri berekoa da, Dené-Kaukasiar superfamilia linguistikoa osatzen baitute[3].

Ezaugarriak[aldatu | aldatu iturburu kodea]

Georgiera deklinabideak dituen hizkuntza bat da. Guztira 8 kasu daude: nominatiboa, ergatiboa, akusatibo/datiboa, genitiboa, instrumentala, adberbiala, ablatiboa eta lokatiboa. Plurala eta singularra atzizki batekin markatzen dira kasua markatzen duten izenetan. Ez dago genero gramatikalik. Izenordainak deklintzen dira eta subjetua, objektu zuzena eta objektu ez-zuzena marka daitezke forma posesibotan. Aditzek subjektu, objektu eta objektu ez-zuzenarekin batera konjugazioa ere izan dezakete. Aditza sistema oso konplexua da eta trantsitiboa eta intrantsitiboa desberdintzen dira. Orainaldia, aorista eta perfektua dira dauden aditza formak.

Hitzen ordena oso askea da eta Subjektu-Aditza-Objektua, Subjektu-Objektu-Aditza eta Objektu-Subjektu-Aditza formak daude. Guztira 5 bokal daude eta 29 kontsonante-fonema, ejektiboak kontuan hartuz. Kontsonanteak 6 soinuen taldetan jar daitzke, adibidez mcvrtneli hitzean, entrenatzaile esan nahi duena.[4]

Erreferentziak[aldatu | aldatu iturburu kodea]

  1. Glanville Price: Encyclopedia of the Languages of Europe
  2.   53. araua - Munduko estatuetako hizkuntza ofizialak, Euskaltzaindia, http://www.euskaltzaindia.net/dok/arauak/Araua_0053.pdf. Noiz kontsultatua: 2010-12-14 .
  3. Dené-Kaukasoar hizkuntzen mapa Santa Fe institutua.
  4. Aboutgeorgia.net

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Georgiera Aldatu lotura Wikidatan
Wikipedia
Hizkuntza honek bere Wikipedia du.
Bisita ezazu.