Gerendiain (Elortzibar)

Artikulu hau Elortzibarreko kontzejuari buruzkoa da; beste esanahietarako, ikus Gerendiain.

Gerendiain
Nafarroa
Udalerria	Noain Elortzibar
Gerendiain Gerendiain
Koordenatuak:	42°42′23″N 1°36′9″W
Biztanleria	23

Gerendiain Noain Elortzibarko kontzejua da. 2007ko urtarrilaren 1eko erroldan, 23 biztanle zituen.

Kokapena

Elortzibarko hegoaldean dago, eta honako herriekin egiten du muga: Dorre iparraldean, Untzue hegoaldean, Tebas eta Oritz mendebaldean, eta Ezperun ekialdean.

Herria NA-234 edo "Tebasko errepidetik" gertu dago.

Historia

Gerendiaingo herrigunetik gertu trapezoide itxurako Brontze Aroko aizkora bat aurkitu da. Erdi Aroan zehar petxa ordaintzen zuen jaurerria izan zen. Petxa ekoiztutako garagar eta gari aletan ordaintzen zuten.

1802ko erroldaren arabera 47 pertsona bizi ziren herrian. 1847an, udalerrien birmoldaketa burutu eta Elortzibar sortu zenean, Gerendiainen zazpi etxe zeuden, garai hartako erroldak "etxe miserable" izendatzen zituen. Horrez gain, abatetxea eta frantsesek mende hasierako Independentzia Gerran erretako jauregi bat zeuden.

Iruñea eta Zangoza arteko bidetik gertu egon arren, XIX. mendean inguruko herriekiko komunikabideak nahiko txarrak ziren eta posta astean behin jasotzen zuten.

Demografia eta biztanleria

Gerendiaingo biztanleria

2000	2001	2002	2003	2004	2005	2006	2007
22	27	24	22	22	23	22	23

Ondarea

• San Joan Bataiatzailearen eliza: Jatorri erromanikoa duen harrizko egitura sendoa da. Gaur egungo eliza XVI. mendean burututako birmoldaketaren ondorio da. Birmoldaketa hartan, pizkundetar arkitekturaren elementuak erabili ziren eta harriaz gain adreiluak erabili zituzten.

Ikus, gainera

• Noain Elortzibar

Kanpo loturak

• Kontzejuaren urrutiko ikuspegia NA-234 errepidetik, Google Street View-n.

Artikulu hau Nafarroako geografiari buruzko zirriborroa da. Wikipedia lagun dezakezu edukia osatuz.