Giacomo Matteotti
Wikipedia(e)tik
Giacomo Matteotti (Fratta Polesine, Rovigoko probintzia, Italia, 1885eko maiatzaren 22a - Erroma, Italia, 1924ko ekainaren 10a) italiar politikaria izan zen.
[aldatu] Biografia
Alderdi Sozialistan sartu, eta diputatu eta alderdiko idazkari nagusi izan zen. 1924ko hitzaldi batean, indarkeria erabili izana eta hauteskundeetan iruzur egin izana leporatu zien faxistei. Oso ezaguna egin zen hitzaldi hura. Talde faxista batek hil zuen urte berean, eta horrek erreakzio ugari sortu zuen Italia osoan. Hasieran, faxistek indarra galdu zuten gertaera horren ondorioz, baina laster indartu ziren berriro, Benito Mussolini diktadore zela.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
