Giambattista Tiepolo
Giambattista Tiepolo italiar margolaria izan zen (Venezia, 1696 - Madril, 1770). Lehen koadroek argi-iluneko estilotik rococorako joera erakusten dute; joera horretakoak dira Udineko katedraleko eta Artzapezpikuen jauregiko freskoak. Hurrengo urteetan gai erlijiosoetan eta mitologikoetan oinarrituriko fresko handiak margotu zituen: Manako uzta, Jupiter eta Danae, Antonio eta Kleopatraren historia (Veneziako Labbia jauregian, 1747-1750). 1750-1753 urteetan, Giandomenico eta Lorenzo semeekin batera, Würzburg-eko (Bavaria) Residenz jauregiko areto nagusia dekoratu zuen Frederiko I.a enperadorearen aginduz. Veneziara itzuli zenean, Akademiako lehen lehendakari izendatu zuten. 1761ean, Espainiako Karlos III.ak deituta, Madrilera abiatu zen Errege Jauregia dekoratzera, baina espainiar gortean, molde neoklasikoen jarraitzaile izaki, gogo txarrez hartu zituzten Tiepoloren koadroak. Azken urteetan, Aranjuezko San Ildefonso jauregian lan egin zuen.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
