Giovanni Battista Martini
Wikipedia(e)tik
Giovanni Battista Martini (Bolonia, Italia, 1706 - 1784) italiar musikagilea eta musikologoa izan zen.
[aldatu] Biografia
Musika-eskola bat zabaldu zuen, eta XVIII. mendeko entzute handiko konposizio-irakasle bihurtu zen. Sarti, Johann Christian Bach, Gluck, Jommelli eta Grétry, besteak beste, ikasle izan zituen.
Musika-liburuen biltzaile ere izan zen; 17.000 bat ale zuen bere liburutegian. Storia della Musica idatzi zuen (3 liburuki, 1757, 1770 eta 1781, bukatu gabe dagoena).
Hamabi sonata organo eta klaberako (1741), moteteak, mezak eta oratorioak idatzi zituen.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
