Gonzalo Queipo de Llano

Wikipedia(e)tik
Hona jo: nabigazioa, Bilatu

Gonzalo Queipo de Llano (Tordesillas, Espainia, 1875- Sevilla, Espainia, 1951) Espainiako Armadako militarra izan zen. Espainiako Gerra Zibilean eta gerraondoan, pertsona asko hiltzeko agindua eman zuen.[1] Terrore erregimena ezarri zuen Sevillan, eta giza eskubideen urratzea gerrako armatzat erabili zuen.[2]

Bizitza[aldatu | aldatu iturburu kodea]

Monarkiaren aurkako matxinadan parte hartu ondoren (Cuatro Vientos, 1930), Portugalera alde egin behar izan zuen. Espainiako Gerra Zibilean, Francoren estatu kolpearekin bat egin zuen, eta Hegoaldeko gudarostearen buru egin zuten. 1939an, teniente jeneral izendatu zuten, eta, gero, Sevillako kapitain jeneral. Gerra garaian, oso ezaguna egin zen Andaluzian, Sevillako irratian egiten zituen hitzaldi beroak zirela eta.[1] Hitzaldi haietan, Errepublikaren aldekoak hiltzera eta bortxatzera animatzen zituen bere soldaduak. Oso aipatua da irratiz emandako hitzaldi haietako pasarte hau:[3][4]

« Nuestros valientes legionarios y regulares han enseñado a los rojos lo que es ser hombre. De paso, también a las mujeres de los rojos, que ahora, por fin, han conocido a hombres de verdad, y no castrados milicianos. Dar patadas y berrear no las salvará.

Itzulpena: Gure legionario eta tropa erregular ausartek gorriei irakatsi diete zer den gizon izatea. Bide batez, gorrien emakumeei ere bai; emakume horiek, orain, azkenean, benetako gizonak ezagutu dituzte, eta ez miliziano zikiratuak. Ostiko eta orro egiteak ez ditu emakume horiek salbatuko.

 »
Gonzalo Queipo de Llano

1950ean, Francisco Francok Queipo de Llanoko markesa titulua eman zion, bere zerbitzura egindako lanagatik; eta 2012an Mariano Rajoyren gobernuko Justizia ministro Alberto Ruiz-Gallardónek titulu hori berritu zion Gonzalo Queipo de Llanoren bilobari.[2][4]

Gaur egun, Eliza Katolikoak (frankismoarekin elkarlanean aritu baitzen) bere tenplu batean gordeta ditu Queipo de Llanoren gorpuzkinak: Sevillako Macarena elizan, hain zuzen ere.[3]

Erreferentziak[aldatu | aldatu iturburu kodea]

  1. Lur entziklopedietatik hartua.
  2. a b «Gallardón renueva el marquesado a los Queipo de Llano en el aniversario del alzamiento», Público, 2012-07-31.
  3. a b Francisco Moreno Gómez: 1936: el genocidio franquista en Córdoba, Crítica argitaletxea, 2008. Ikus 52. orrialdea.
  4. a b Natalia Junquera: «Gallardón expide el título de marqués al nieto de Queipo de Llano», El País, 2012-07-31.