Gora ta gora beti

Gora ta gora beti
Oskorriren eta Oskorriren musika-lana
Egilea(k)	Oskorri eta Oskorri
Argitaratze-data	1976
Izenburua	Gora ta gora beti
Ezaugarriak
Genero artistikoa	herri-kanta
Hizkuntza	euskara
Deskribapena
Oinarritua	Škoda lásky
Ekoizpena
Ekoizlea	baliorik ez
Hitzak	Gabriel Aresti
Bestelako lanak
Musikagilea	Jaromír Vejvoda
Argumentu nagusia	Euskal Herria eta Antikapitalismoa

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Gabriel Aresti eta XX. mendeko euskal olerkigintza ulertzeko bideoa.

Gora ta gora beti Gabriel Arestiren hitzak dituen euskal abesti famatu bat da. Gabriel Arestiren Omenez diskoan argitaratu zuen Oskorrik 1976an.^[1] Abestiaren melodia Jaromir Vejvoda txekiar musikagilearen Škoda lásky polkan oinarritua dago.

Lapurdi izena, kanta honetan, Euskadi (Euskal Herria, euskal herritarren nazioa) esangurarekin dago erabilia; izan ere, hitzak idatzi ziren garaian Francoren diktadurak debekatua zuen Euskadi izena erabiltzea. Arestik berak, Gipuzkoatik Lapurdira zihoala Behobiako zubiaren erdira heltzean^[2] (Estatu arteko muga zeharkatzean, alegia), beti «Gora Euskadi askatuta» oihu egiten zuen.

Oskorriren abesti ezagunenetako bat da. 1996an, Getxoko Fadura frontoian, Oskorrik zuzeneko 25 kantu-urte diskoan luxuzko laguntzarekin grabatu zuten kantu hau: Niko Etxartek interpretatu zuen, Lapurdikoa ez, baina Zuberotarra dena.

Gau ahaztezin hartan Kukubiltxo antzerki-taldeak ere parte hartu zuen, eta luxuzko musikari eta bestelako gonbidatu batzuek ere bai: Martin Carthy, Niko Etxart, Joserra Fernandez, Pedro Guerra, Gwendaleko kide batzuk, Kepa Junkera, Mikel Laboa, Fermin Muguruza, Liam O'Flynn, Ruper Ordorika, Juan Carlos Perez, Albert Pla, Anton Reixa, Jon Sarasua, Joseba Tapia, Patrick Vaillant eta Gabriel Yacoub.^[3]

Gabriel Aresti, hitzen egilea
Oskorri taldea
Niko Etxart, 1996ko bertsioko kantaria

Hitzak[aldatu | aldatu iturburu kodea]

Hona hemen abestiaren hitzak:^[4]

Gora ta gora beti,

haik gora Lapurdi!

Euskerak bizi gaitu

eta bizi bedi.

Gorantza doa agudo kapitala

eta Lapurdi beti dago apala,

aldrebesturik dago mundu zitala,

konformatzen ez bagara

ze pekatu mortala!

Gurea ez da bizi-modu normala

lurra lantzeko haitzurra eta pala,

lanaren truke kobratzen erreala.

Benetan da miserable

euskaldunon jornala.

Munduan ezin bizi daiteke hala,

merkatuetan dena gora doala,

etxera eta zopa guztiz argala,

kriseiluen olioa

ez da postre formala.

Obrero eta nekazari leiala,

zuena ez da errenta liberala.

Diru zikinak putre motzak bezala

botatzen dizu gainera

hortxe bere itzala.

Jabeek dute kontzientzi zabala,

kaskatu dute gure lurren azala,

baina Lapurdi ez da hain zerbitzala;

burruka garbian dago

hori da printzipala.

Erreferentziak[aldatu | aldatu iturburu kodea]

↑ Badok.info^{[Betiko hautsitako esteka]} Gabriel Arestiren omenez diskoaren fitxa.
↑ Gabriel Aresti, Bidegileak bilduma, 12. zenbakia. Ikus 8. orrialdea.
↑ (Gaztelaniaz) Taldea, elkar. «Oskorriri zor dioguna - PostData» postdata.elkar.eus (Noiz kontsultatua: 2020-08-11).
↑ «Gora ta gora beti» www.badok.eus (Noiz kontsultatua: 2022-07-26).

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]

OSKORRI - HAUXE DA DESPEDIDIA + GORA TA GORA BETI bideoa. Elkar argitaletxea musika, Youtube, 2016-11-23. Eszenatokian Oskorri taldeak jo zuen azken-aurreko kanta.
Ahobetekanta Kantaren partitura, hitzak eta iruzkina
Oskorri taldearen webgune ofiziala
Badok.info Oskorriren 16 kanta entzungai.

Datuak: Q12258651

[1] Badok.info^{[Betiko hautsitako esteka]} Gabriel Arestiren omenez diskoaren fitxa.

[2] Gabriel Aresti, Bidegileak bilduma, 12. zenbakia. Ikus 8. orrialdea.

[3] (Gaztelaniaz) Taldea, elkar. «Oskorriri zor dioguna - PostData» postdata.elkar.eus (Noiz kontsultatua: 2020-08-11).

[4] «Gora ta gora beti» www.badok.eus (Noiz kontsultatua: 2022-07-26).

[1]

[2]

[3]

[4]