La Haine
| Datuak | ||
|---|---|---|
| Jatorrizko izenburua | 'La Haine' | |
| Izenburua euskaraz | Gorrotoa | |
| Urtea | 1995 | |
| Generoa | Drama | |
| Herrialdea |  Frantzia |
|
| Iraupena | 96 min. | |
| Aurrekontua | 15 milioi libera (2,3 milioi €) | |
| Zuzendaria | ||
| Mathieu Kassovitz | ||
| Aktoreak | ||
| Vincent Cassel Hubert Koundé Saïd Taghmaoui Karim Belkhadra Francois Levantal |
||
| Musikagileak | ||
| Assassin | ||
| Argazkilariak | ||
| Perre Aim | ||
| Sariak | ||
| Cannes 95: Eszenari Saria. Cesar 96: Film Onena, Muntaketarik Onena, Ekoizpenik Onena. | ||
La Haine (Gorrotoa, euskaraz) Mathieu Kassovitzek zuzendutako film frantziarra da. 1995ean estreinatu zen, eta gizartetik baztertutako hiru gazteren (judu bat, arabiar bat eta beltz bat) bizitza kontatzen du. Istorioa Parisko auzo baztertu batean kokatzen da, 1990eko hamarkadako erdialdera.
Argumentua [aldatu]
Hirian gertatutako liskar batzuetan, auzoko gazte arabiar bat zauritzen du poliziak. Zaurien eraginez, gaztea ospitalera bidali behar dute. Gau horretan bertan, Vinzek (protagonistetako bat) pistola bat kentzen dio jendarmeei. Gorrotoz beterik, ospitalean dagoen gaztea hiltzen bada berak polizia bat akatuko duela adierazten du.
Filmaren istorioa egun horretan bertan garatzen da. Hiru gazte protagonistak Paristik gora eta behera ibiliko dira, eta gauean gazte arabiarra (ospitalean dagoena) hil egin dela jakingo dute. Vinzek, horrela, gorrotoz beteta badago ere, inor ez hiltzea erabakiko du. Azkenean, egunsentian etxera itzuliko da hirukotea, baina haietako bat poliziak hilko du.
Sariak [aldatu]
Besteren artean, La Hainek Cesar Sarietan hainbat nominazio lortu zuen 1996an, zeinetatik Muntaketarik Onena, Ekoizlerik Onena (Christophe Rossignon) eta Filmarik Onenaren (Mathieu Kassovitz) sariak eskuratu baitzituen. Halaber, Kassovitzek Zuzendari Onenaren saria jaso zuen 1996ko Canneseko Zinemaldian.
Kanpo loturak [aldatu]
- (Frantsesez) Zuzendariaren webgunea
- (Gaztelaniaz) La Haineren fitxa, kartela eta kritika
