Gotha

Gotha

Friedenstein gaztelua

Izen ofiziala Gotha

Herrialdea
Estatua Alemania
Turingia

Alkatea Knut Kreuch (SPD)

Koordenatuak 50°56′56″N 10°43′06″E / 50.94889°N 10.71833°E / 50.94889; 10.71833Koordenatuak: 50°56′56″N 10°43′06″E / 50.94889°N 10.71833°E / 50.94889; 10.71833

Gotha

Eremua 69,52 km²

Posta kodea 99867

Biztanleria 45.593 bizt.

Dentsitatea 655,83 bizt./km²

Matrikula GTH

http://www.gotha.de/

Gotha Alemaniako herria da, Turingiako estatuan kokatua. Erfurt eta Eisenachen arteko errepideak zeharkatzen du. Gotha barrutiko hiriburua da.

Historia [aldatu]

Dagoeneko VIII mendean aipatzen da Karlomagnoren idatzi batean. Bertan Villa Gotaha izena du, zeinak "Ur onak" esan nahi duen.

1640an Saxonia-Gotha dukerriko hiriburu izendatua izan zen. XVIII mendean Voltaire pentsalari frantziarra bertan bizi izan zen denbora luzez eta Gothako gortea Alemaniako ilustrazioaren erdigune bihurtu zen. 1763an Gothako almanakea argitaratzen hasi zen. Almanake honek urtean zehar Europako errege eta nobleen xehetasunak eta diplomaziaren arloko datuak biltzen zituen.

Gothak ere garrantzi berezia izan du Alemaniako langileen mugimenduaren historian. 1875ean bertan sortu zen Alemaniako Alderdi Sozialdemokrata (SPD).

Gothako Udaletxea

Bigarren Mundu Gerran ez zen bonbakatua izan, Josef Ritter von Gadolla alkateak 1945ean hiria errenditu baitzuen Aliatuen aurrean. Naziek harrapatu eta exekutatu egin zuten. 1949an Ekialdeko Alemanian sartuta gelditu zen 1990an Alemania biek bat egin zuten arte.

Ondasun nabarmenak [aldatu]

Friedenstein gaztelua (Schloss Friedenstein): 1643–1655 artean jasotako jauregi dukal ederra da. Alemaniako eraikin barroko zaharrenetakoa ere bada. Gaur egun museo gisa erabiltzen da.
Udaletxea (Rathaus): 1567-1577 artean eraikia pizkundeko estiloan. 40 metrotako dore bat dauka. Friedenstein gaztelua eraiki aurretik bertan bizi ziren Saxonia-Gothako dukeak.