Gotzon Elortza

Artikulu hau zinegileari buruzkoa da; beste esanahietarako, ikus Elortza (argipena).

Gotzon Elortza (Bilbo, Bizkaia, 1923 -) Bilbon jaiotako getxoztar zinema-zuzendaria da. Euskadiko zinemagintzaren aitzindaria; euskarazko lehen dokumentalen egilea da.

Biografia

Hasiera-hasieratik saiatu zen Euskal Herriko gaiei buruzko zinema profesionala egiten, euskaraz osorik. Ondo konturatu zen ikus-entzunezkoak premiazkoak zirela euskara mundu modernoan galtzea nahi ez bazen. Hala, Elortzaren lana, 50eko hamarraldian, Fernando Larruquertenaren aurrekoa ere izan zen, haren kalitate-maila lortu ez bazuen ere.

Film labur hauek egin zituen: Ereagatik Matxitxakora (1959), Aberria (Erria) (1961), Avignon (1963) eta Elburua: Gernika (1962).

1960ko hamarkadan egin zituen filmak, Parisen bizi zenean. Espainia eta Frantziako estatuen arteko muga ezkutuan zeharkatzen zuen Elortzak lan hauek egiteko.

Lanak

• Ereagatik Matxitxakora (1959).
• Aberria (Erria) (1961).
• Avignon (1963).
• Elburua Gernika (1962).

Kanpo loturak

• (Euskaraz) Egun ditugun euskarazko lehen dokumentalak zaharberrituko dituzte eitb.com webguneko albistea.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.