Goya Sariak

Goya Sariak Espainiako Zinema Akademiak urtero Madrilen banatzen dituen zinema premioak dira. Urtarrila eta otsailaren artean ospatzen dute, eta golardoa Francisco Goyaren brontzezko irudia da.

25 ekitaldi egin dituzte orain arte (1987-2011).

Eduki-taula

1987 - Lehen ekitaldia.
2003 - Urte hartan, hainbat aktorek eta zinema-langilek protesta ekintzak burutu zituzten Irakeko gerraren aurka, Aznar orduko presidentearen aurkako ekitaldi ikusgarria izan zena.
2004 - AVT erakundeak (ETAk eragindako biktimak biltzeko asmoz sortutakoa) protesta ekintzak egin zituzten Julio Medem zuzendari donostiarraren, Euskal Pilota. Larrua harriaren kontra bere pelikula-dokumentala zela eta. Ekitaldi hartan, aipatutako lanak ez zuen saririk lortu, baina bai Javier Agirresarobe eibartarrak, argazki onenarena ("Soldados de Salamina" pelikularekin).
2005 - Pablo Malo donostiarrak zuzendari berriaren saria ("Frío Sol de Invierno" pelikularekin) eskuratu zuen.
2006 - Obaba pelikulak soinu onenaren saria irabazi zuen.

Carmen Maura: emakumezko aktore onenaren saria aldi gehien (3) lortu duena.
Javier Bardem: gizonezko aktore onenaren saria aldi gehien (4) lortu duena.
Fernando León de Aranoa eta Alejandro Amenábar: zuzendari onenaren saria aldi gehien (3) lortu dutenak.
Alberto Iglesias donostiarra: jatorrizko musika onenaren saria aldi gehien (9) lortu duena.
Verónica Forqué, Rosa María Sardá eta María Barranco: bigarren mailako emakumezko aktore onenaren saria aldi gehien (2) lortu dutenak.
Emilio Gutiérrez Caba eta Juan Diego: bigarren mailako gizonezko aktore onenaren saria aldi gehien (2) lortu dutenak.