Gravity
Gravity (euskaraz Grabitatea) 2013ko Alfonso Cuarón mexikar zinema zuzendariaren zientzia-fikziozko espazio drama filma bat da. Filma honetako aktore nagusiak Sandra Bullock eta George Clooney dira.
Argumentua
Ryan Stone doktorea (Sandra Bullock) bere lehenbiziko espazio bidaian Hubble espazio teleskopioa konpontzen ari da. Bidai horretan beste espaziogizon-emakumeen artean Matt Kowalsky (George Clooney) komandate beteranoa dago, bietako batek ere zein arrisku datorren ez dakielarik: suntsitutako satelite eta espazio-estazioez osatutako zabor euria abiadura handian gainera datorkie, heuren Explorer espaziontziarekin talka egin, heuren kideak hil eta biak espazioan erabat bakarrik geldituko direlarik. Lur azaletik 600 kilometro garaierako orbitan esekita, inorrekin harremanetan jarri ezinik, Stone doktoreak eta Kowalsky komandanteak etxera bizirik itzultzeko konponbidea topatu beharko dute. Eta laister egin beharko dute, heuren oxigenoa agortzen baidoa eta aurreko zabor ekaitza berriz ere gainera baidatorkie.
Aktoreak
- Sandra Bullock: Ryan Stone doktorea.
- George Clooney: Matt Kowalsky komandatea.
- Ed Harris: Houstongo misioaren kontroleko ahotsa.
- Paul Sharma: Shariff-en ahotsa, Explorer espaziontziko espaziogizona.
- Basher Savage: errusiar espazio estazioko ahotsa.
- Amy Warren: Explorer espaziontziko emakumezko kapitaina.
- Orto Ignatiussen: Aningaaq-en ahotsa, inuit arrantzalea.
Sariak
2014ko martxoaren 2an ospatutako 86. Oscar Sarien ekitaldian filma honek 7 Oscar Sari irabazi zituen: Zuzendari onenaren Oscar Saria (Alfonso Cuarón), Jatorrizko soinu banda onenaren Oscar Saria (Steven Price), Soinu edizio onenaren Oscar Saria (Glenn Freemantle), Soinu onenaren Oscar Saria (Skip Lievsay, Niv Adiri, Christopher Benstead eta Chris Munro), Argazkigintza onenaren Oscar Saria (Emmanuel Lubezki), Muntatze onenaren Oscar Saria (Alfonso Cuarón) eta Efektu berezi onenen Oscar Saria (Tim Webber, Chris Lawrence eta Dave Shirk Neil Corbould).
Bestalde 6 BAFTA sari (tartean filma onena eta zuzendari onenaren sariak) eta zuzendari onenaren Urrezko globo Saria ere irabazi zuen.
Kanpo loturak
- Gravity filmaren IMDBko fitxa irakurgai (Ingelesez)
- Alfonso Cuarónek zuzendutako filmak
- Ameriketako Estatu Batuetako filmak
- Zuzendari onenaren Oscar Saria irabazi duten filmak
- Argazkigintza onenaren Oscar sariaren irabazleak
- Efektu berezi onenen Oscar sariaren irabazleak
- Jatorrizko soinu banda onenaren Oscar Saria irabazi duten filmak
- Soinu onenaren Oscar Saria irabazi duten filmak
- Muntatze onenaren Oscar Saria irabazi duten filmak
- Espazio abenturei buruzko filmak
- Drama filmak
- Biziraupen filmak
- 2013ko filmak