Guns N' Roses

Guns N' Roses
2006an Download Festibalean zuzenean.
Datuak
Jatorria	Los Angeles
Musika mota	Hard rock, heavy metal
Urteak	1985 - egun
Diskoetxeak	Geffen, UZI Suicide
Webgunea	www.gunsnroses.com
Taldekideak
Axl Rose Dizzy Reed Tommy Stinson Chris Pitman Richard Fortus Ron "Bumblefoot" Thal Frank Ferrer DJ Ashba
Lehenagoko taldekideak
Tracii Guns Ole Beich Rob Gardner Steven Adler Izzy Stradlin Slash Duff McKagan Matt Sorum Gilby Clarke Paul Tobias Robin Finck Josh Freese Bryan "Brain" Mantia Buckethead

Guns N' Roses 1985ean Los Angelesen (California) sortutako hard rock musika talde estatubatuarra da, zeinek 1980etako amaieran eta 1990etako hastapenetan ospea lortu zuen. Axl Rose lider gisa duen taldeak hainbat aldaketa izan ditu eta eztabaida ugariren protagonista izan da sortu zenetik, gaur egun jatorrizko taldekide bakarra Axl Rose bera delarik. Taldeak sei estudio album, hiru EP, zuzeneko album bat eta bilduma album bat argitaratu ditu.

Historia

Diskoetxe garrantzitsu batekin grabatutako lehen lana, Appetite for Destruction, (1987) mundu osoko arrakasta izan zen. 1991an, gogor ahaleginduta, Use Your Illusion I eta Use Your Illusion II plazaratu zituzten. Ondorengo birarekin batera, haien lehen mailako estatusa frogaturik geratu zen. Guztira, munduan zehar 90 miloi album saldu dituzte.

Hard rocka urrats bat haratago eraman zuten. Glam metala 1980ko hamarkadako musika-korronte nagusia menderatzen ari zela, Guns N' Rosesek jatorrizko rockean oinarritutako estiloa luzatu zuen. Horren ondorioz, zale franko bereganatu zuten, eurena rock benetakoagoa eta garbiagoa zelakoan. Taldearen urrezko urteak 1987 eta 1993 bitartekoak izan ziren. Hortik aurrera, barenko tirabirek (batik bat Slash eta Axl Rosen artekoek) nahiz gehiegizko alkohol eta drogen erabilpenak elkarrekin lan egiteko ahalmena oztopatu, eta, azkenean, galarazi egin zuten. Axl Rose da egun jatorrizko osakideengandik geratzen den bakarra.

Diskografia

• 1987: Appetite for Destruction
• 1988: G N' R Lies
• 1991: Use Your Illusion I
• 1991: Use Your Illusion II
• 1993: The Spaghetti Incident?
• 2008: Chinese Democracy

Egungo taldekideak

• Axl Rose – abeslaria, piano (1985–egun)
• Dizzy Reed – piano, teklatua (1990–egun)
• Robin Finck - gitarra (1997-1999, 2000–egun)
• Tommy Stinson – baxua (1998–egun)
• Chris Pitman – teklatua, DJ (1998–egun)
• Bryan Mantia - bateria (2000–egun)
• Richard Fortus – kitarra (2002–egun)
• Ron "Bumblefoot" Thal – gitarra (2006–egun)
• Frank Ferrer – bateria (2006–egun)

Kanpo loturak

• Webgune ofiziala