Guruin exokrino
Guruin exokrinoa, kanpo-jarioko guruina ere deitua, jariakina, zuzenean edo hodi baten bidez, organismoaren kanpoaldera isurtzen duen guruina da. Jariakina isurtzeko moduaren arabera, hiru taldetan banatzen dira[1]:
- Guruin apokrinoak: isurtze-prozesuan zelula jariatzailea hautsi eta zitoplasmaren zati baten galtzen denean. Adibidez, ugatz-guruinak.
- Guruin holokrinoak: jariakina isurtzeko zelula osoa apurtzen denean. Adibidez, dermiseko sebo-guruinak.
- Guruin ekrinoak: produktuak exozitosi bidez jariatzen dutenak. Adibidez, pankrea-azinoak.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/08/08 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.