Hafez al-Assad

Hafez al-Assad
	; Irudi gehiago
; Siriako presidente
; Siriako presidente
; Prime Minister of Syria (en)
Bizitza
Jaiotza	Qardaha (en) , 1930eko urriaren 6a
Herrialdea	Siria
Heriotza	Damasko, 2000ko ekainaren 10a (69 urte)
Hobiratze lekua	Qardaha (en)
Heriotza modua	berezko heriotza: miokardio infartu akutua
Familia
Aita	Ali Sulayman al-Assad
Ezkontidea(k)	Anisa Makhlouf (1957 - 2000ko ekainaren 10a)
Seme-alabak	ikusi Bassel al-Assad; Bashar al-Assad; Bushra al-Assad; Maher al-Assad; Majd al-Asad (en) ;
Anai-arrebak	ikusi Jamil al-Assad; Rifaat al-Assad;
Hezkuntza
Heziketa	Homs Military Academy (en) ; Errusiako Indar Armatuen Estatu Nagusiaren Akademia Militarra
Hizkuntzak	arabiera
Jarduerak
Jarduerak	politikaria eta militarra
Jasotako sariak	ikusi Grand Star of the Decoration for Services to the Republic of Austria ; Collar of the Order of the White Lion ; Grand Cross of the Order of Polonia Restituta ;
Zerbitzu militarra
Adar militarra	Siriako Indar Armatuak; Syrian Arab Air Force (en)
Gradua	jeneral
Parte hartutako gatazkak	Sei Eguneko Gerra; Higadura Gerra; Irail Beltza; Yom Kippurreko Gerra; Libanoko Gerra Zibila
Sinesmenak eta ideologia
Erlijioa	Alauia
Alderdi politikoa	Baath Alderdia

Hafez al-Asad (arabieraz: حافظ الأسد, Ḥāfiẓ al-Asad; Qardaha, 1930eko urriaren 6a - Damasko, 2000ko ekainaren 10a^[1]) siriar politikari eta militarra izan zen. 1971-2000 bitartean Siriako presidentea izan zen.

Bizitza[aldatu | aldatu iturburu kodea]

Sobietar Batasunean osatu zituen Siriako ikastegi militarretan hasitako ikasketa militarrak. 1946an Baath («Pizkundea») alderdiko kide egin zen, eta 1963ko estatu-kolpearen ondorioz, alderdi hori agintera iritsi zenean, Aire Armadako jeneral izendatu zuten. 1966tik 1970era bitartean, Defentsarako ministro izan zen, eta 1970ean gobernuaren kontrolaz jabetu zenean, lehen ministro, hurrengo urtean lehendakari hautatu zuten arte.

1973an Egiptorekin batera parte hartu zuen Yom Kippur Gerran, baina ez zuen onartu 1970eko hamarkadaren amaieran Egiptok eta Israelek lortu zuten hitzarmena. 1976, 1987 eta 1990ean Libanoko Gerra Zibilean esku hartu zuen, Libanoko lurralde zabal bat Siriaren kontrolpean jarriz, eta Iranen alde ere egin zuen, herrialde horrek Iraken aurka izandako gerran (1980-1988).

1980ko hamarkadaren hasieran, hainbat estatu-kolperen ahaleginak jasan bazituen ere, basakeria handiz eraso zien aurkari politikoei. 1982an milaka soldadu bidali zituen Hama hirira, Anaia Musulmanen matxinada suntsitzera. Urte askoan Siria izan zen SESBen hurbileneko aliatua Ekialde Hurbilean, baina 1980ko hamarkadaren amaieran, sobietar aginpidea ahuldu zenean, Mendebaldearekiko harremanak hobetzen ahalegindu zen Assad. Golkoko Gerran, gatazkaren konponbidea mundu arabiarraren barruan bilatzen saiatu zen, baina Saddam Husseinek bereganatutako boterearen beldur, nazioarteko koalizioaren alde egin zuen, Siriako soldaduak Saudi Arabiara bidaliz Iraken aurka borrokatzera. 1993an, ordea, parte-hartze eskasagoa izan zuen Israelek eta Palestinaren Askapenerako Erakundeak lortutako bake-hitzarmenean. 1995ean Israelgo estatuarekin elkarrizketak hasi zituen, bake-hitzarmena eta elkarrenganako aitorpena lortzeko.

Hil zenean, 2000. urtean, bere bigarren semea, Bashar, izan zuen ondorengo, zaharrena, Basel, istripu batean hil baitzen.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Ḥafiz al-Assad Global.britannica.com

Wikimedia Commonsen badira fitxategi gehiago, gai hau dutenak: Hafez al-Assad

Datuak: Q118725
Multimedia: Hafez al-Assad / Q118725

[1] Ḥafiz al-Assad Global.britannica.com

[1]