Hamarren berredurak (filma)
Hamarren berredurak (ingelesez: Powers of ten) Ray Eamesk eta haren senar Charles Eamesk idatzi eta zuzendutako dokumental laburra da. 1968an egin zuten baina 1977ra arte ez zuten argitaratu. Unibertsoaren eskala erlatiboa hamarren berretura ezberdinetan agertzen du: 0,01, 0,1, 1, 10, 100, 1000... distantzietatik, alegia. Filma 1957. urtean Cosmic Ver izenarekin Kees Boekek idatzitako liburuaren egokitzapena da.
1987an argitaratu zuen Elhuyarrek euskaraz, Hamarren berredurak izenburuarekin (gaur egun, «berreturak» idatzi behar da, Hiztegi Batuan hala arautu baita).
1988. urtean, Estatu Batuetako Kongresuaren Liburutegiko Filmen Erregistro Nazionalean gordea izateko aukeratu zuten, «kulturaren, historiaren edo estetikaren aldetik garrantzitsua» dela jo zutelako.