Hardcore punk

Wikipedia(e)tik
Hona jo: nabigazioa, Bilatu

Hardcore punk edo hardcore musika Punk musikatik datorren genero musikala da. Abiada biziko abesti motzetan oinarritzen den musika estiloa da hardcorea.

Teknikoki, berriz, bateria erritmo azkarrak eta gitarra arreglo gutxi izaten ditu. Bajuaren doinuak gitarra doinuen berdinak izaten dira normalki.

Sorrera[aldatu | aldatu iturburu kodea]

Musika estilo hau erabili zuten lehen taldeak Bad Brains (1978), Black Flag (1976an sortuak Panic izenarekin), Middle Class (1978) edota Teen Idles (1979) taldeak izan ziren. Baina Hardcore izena lehen aldiz erabili zutenak DOA taldekoak izan ziren beraien lehen LP-arekin. Diska hau 1981. urtean atera zen eta hardcore ´81 izena zeraman.

Normalki, Bad Brains taldea izendatu da lehen hardcore talde bezala. Beraien lehen single-a 1979-an kaleratua izan zen. Black Dots diska berriz 1978. urtean grabatu zen baina ez zen 1996 arte kaleratu. Horregatik 1978. urtean Middle Class taldeak ateratako Out of Vogue ep-a izendatzen dute lehen hardcore diska bezala, nahiz eta urte horretan hardcore hitza oraindik ez erabili. Misfits taldea ere, hardcorearen munduan ibili zen talde bat izan zen, nahiz eta bere estiloa, Punk rock estiloan kokatzen den.

Erresuma Batuan D-Beat estiloa sortu zen 1980 inguruan. Musika estilo hau Discharge taldearen eskutik hasiko zen.

Hardcorearen eboluzioa[aldatu | aldatu iturburu kodea]

80ko hamarkadan, Hardcorea Heavy Metalarekin edota Speed Metalarekin nahasten hasi ziren talde batzuk. Horren adibide D.R.I. edo Suicidal Tendencies taldeak izan ziren. Musika korronte berri honi Crossover izena jarri zitzaion. Crossoverra, gaur egungo beste musika estilo batzuen aurrekari bilakatu zen. Honen adibide, Trash Metala, Death metala edota Trashcorea ditugu.

Commonsen badira fitxategi gehiago, gai hau dutenak: Hardcore punk Aldatu lotura Wikidatan