Hego Amerikako plaka
Wikipedia(e)tik
(Hego Amerikar Plakatik berbideratua)
Hego Amerikako plaka Hego Amerika eta Ozeano Atlantikoaren hegoaldeko zatia, Hego Amerikako kostaldetik erdialdeko Atlantikoko dortsaleraino hartzen dituen plaka tektonikoa da. Mendebaldean duen muga elkartzaileak, bi fenomeno nabarmen eragin ditu: Andeak eta Peru-Txileko fosa. Eta ekialdean Afrikako plakarekin duen muga banatzaileak, Ozeano Atlantikoa eta erdialdeko Atlantikoko dortsala eragin zituen. Honako plaka hauek ditu mugakide:
- Iparraldean, Ipar Amerikako plaka eta Karibeko plaka
- Hegoaldean, Scotia plaka eta Antarktikako plaka
- Ekialdean, Afrikako plaka
- Mendebaldean, Cocos plaka eta Nazca plaka
