Heinrich Schütz

Wikipedia(e)tik
Hona jo: nabigazioa, Bilatu
Heinrich Schütz, Rembrandten margolan batean

Heinrich Schütz (Köstritz, Turingia, 1585eko urriaren 9a - † Dresde, 1672ko azaroaren 6a) alemaniar musikagilea izan zen. 1599an, koru-mutila izan zen Kasselgo gorteko kaperan. 1609-1612 urte-bitartean, musika-ikasketak egin zituen Venezian G. Gabrielirekin. Harrezkero, harreman estuak izan zituen beti Italiarekin. Geroago Kasselgo gorteko organista izan zen, eta 1617. urtetik hil arte, Dresdeko kapera-maisu. 1635-1641 urte-bitartean, Kopenhagen bizi izan zen, Danimarkako printzeak gonbidatua. Schütz XVII. mendeko alemaniar musikagilerik handiena izan zen. Haren musika-lanetan italiar, holandar eta frantses moldeak nahasten dira. Koru-musika dramatiko ezin hobea idatzi zuen, eta moteteak Lassusek eta J.S. Bachek idatzi zituztenekin pareka daitezke. Lan aipagarriak dira, besteak beste: Il 1° libro de madrigali (1611); Concerte (1618); Psalm CXXXIII (1621); Cantiones sacrae (1625); Symphoniae sacrae (1629); Jesu Kristo gure Jaunaren pasio eta heriotza (lau pasio, lau ebanjelioen arabera).

Lan nagusiak[aldatu | aldatu iturburu kodea]

  • Il primo libro de madrigali (Venezia, 1611)
  • Psalmen Davids (Dresde, 1619)
  • Historia der frölichen und siegreichen Aufferstehung ... (Dresde, 1623)
  • Cantiones sacrae (Freiberg, 1625)
  • Psalmen Davids (Freiberg, 1628)
  • Symphoniae sacrae (Venezia, 1629)
  • Musicalische Exequien (Dresde, 1636)
  • Kleine geistliche Konzerte (Leipzig, 1636)
  • Symphoniae sacrae (Dresde, 1647)
  • Geistliche Chor-Musik (Dresde, 1648)
  • Symphoniae sacrae (Dresde, 1650)
  • Zwölff geistliche Gesänge (Dresde, 1657)
  • Psalmen Davids (Dresde, 1661)

Erreferentziak[aldatu | aldatu iturburu kodea]


Commons-logo.svg
Commonsen fitxategi gehiago dago honi buruz:
Heinrich Schütz