Helwan

Helwan
Estatua	Egipto
Probintzia	Kairoko eskualdea
Herritarra	helwandar
Koordenatuak	29°51′00″N 31°20′00″E
Helwan
Biztanleria	643.327 bizt.

Helwan (arabieraz: حلوان) Nilo ibaiaren ertzean dagoen Egiptoko hiri bat da. Kairoren aldiri bat da, 25 kilometro hegoaldera dagoena, Menfiseko hondakinetatik ekialdera, eta 230.000 biztanle dituena, 1989ko erroldaren arabera.

Helwanek unibertsitatea du, Helwango Unibertsitatea. Inguruan, behatoki astronomiko bat dago. Behatoki hau, Halley kometa ospetsua ikusteko erabili zen.

Tokiko industriak, burdina, altzairua, zementua eta ehunak egiten ditu.

Helwanen, Kairoko metroaren 1. ibilbidearen amaierako geltokia dago. Barnean hiru barruti ditu: Wadi Hof, Hadayek Helwan eta Maasara hain zuzen ere.

Hondakin arkeologikoak

Antzinako nekropoli bat, 1946an aurkitua eta ondoren industua, lehen dinastietako hondakinekin. 2004an, lurperaketa gehiago industu ziren. Hauen garrantzia, garai hartako Egiptoko gizarte piramidea islatzen dutela da. Apaiz edo burokrata handien hilobiak, herritar soil eta behe klaseko jendearen hilobietatik argi bereiz daitezke, hilerri honetan, ondo ezberdindutako bi lurperaketa mota baitzeuden. Aberatsen hilobiek, hogei eta ehun metro inguru arteko neurria dute. Hildakoen estatuak, ontziak eta bitxiak aurkitu dira, besoko baliotsu bat eta kareharriz eginiko bi metroko estatua bat kasu.

Klima

Datu klimatikoak (Helwan)
Hilabetea	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	18	20	23	28	32	34	35	34	32	29	25	20	27.5
Batez besteko tenperatura minimoa (°C)	8	8	11	14	17	19	21	21	19	18	14	10	15
Pilatutako prezipitazioa (mm)	5	3	3	3	3	0	0	0	0	0	3	5	22.9
Iturria: Weatherbase