Henri Queffelec

Wikipedia(e)tik
Hona jo: nabigazioa, Bilatu

Henri Queffelec frantses idazlea izan zen (Brest, 1910 - Paris, 1992). Suedian eta Parisen aritu zen irakasle, literaturan buru-belarri hasi aurretik (1942). Debuta poema-bilduma batekin egin zuen, Sur la lisière (1937, Ertzean). Ondoren, eleberria landu zuen eta Journal d'un salaud (1944, Gizon alu baten egunkaria) argitaratu zuen. Arrakasta Un recteur de l'île de Sein (1944, Senako uharteko errektore bat) lanarekin iritsi zitzaion; Jean Delanoyk zinemara eraman zuen obra hura, Dieu a besoin des hommes (1950, Jainkoak gizakiak behar ditu) izenburuarekin. Hainbat lanetan Bretainiako itsasoaren gorazarrea egin zuen: De par les sept mers (1982, Zazpi itsasoetatik), Je te salue vieil océan (1968, Agurtzen zaitut ozeano zahar), Un feu s'allume sous la mer (1956, Argi bat pizten da itsasoan), Frères de la brume (1960, Lanbroaren anaiak), La Mouette et la croix (1969, Antxeta eta gurutzea), Les Îles de la miséricorde (1974, Errukiaren uharteak) eta abar. 1978an gogoeta bilduma bat argitaratu zuen, Un Breton bien tranquille (Bretoi lasai bat). Hil aurretik Un convoi pour Oslo (1991, Konboi bat Oslora) idatzi zuen.


Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Henri Queffelec Aldatu lotura Wikidatan