Henrike I.a Portugalgoa
Wikipedia(e)tik
Henrike I.a Portugalgoa, Kardinala ere deitua (Lisboa, 1512 - Almeirim, Santarem, 1580), Portugalgo erregea izan zen, 1578tik 1580ra.
[aldatu] Biografia
Portugalgo inkisidore nagusia eta Lisboako kardinala zen. Haren iloba Sebastian Portugalgo erregea hil zenean egin zuten errege. Handikiak eta goi-mailako elizgizonek Portugalgo koroa Espainiako Filipe II.aren esku jar zezaten lortu bazuen ere, ez zen Espainiako erregea erregegai izendatzera ausartu, ongi baitzekien Portugalgo hirietako ordezkariak erabaki horren aurka zeudela. Hil zenean, Filipe II.a Portugalen sartu, Cratoko abade eta erregegaiak gidaturiko gudarosteen aurrean nagusitu eta Portugalgo errege izendatu zuen bere burua.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
