Henrike V.a Germaniakoa

Henrike V.a Germaniakoa Germaniako enperadorea 1106 - 1125 bitarteko urteetan izan zen (1081 - Utrecht, 1125). Henrike IV.a aitaren aurka altxatu zen, Paskual II.a Aita Santuak lagunduta (1104-1105). Ondoren Paskual II.aren kontra jarri zen eta Silvestre IV.a antipapa izendatu zuen (1105). Paskual II.a preso hartu zuen 1111. urtean. Saxoniako printzeek menderatu zuten 1115. urtean eta Erromara jo zuen bi urte geroago. Jelasio II.a Aita Santua agintetik kendu eta Gregorio VIII.a antipapa izendatu zuen (1118). Hala ere, Kalixto II.a Aita Santuarekin bakea izenpetu zuen eta horrela bukatu zen Inbestiduretako gerra (Wormsko konkordatua, 1122). Lotario III.a izan zuen ondorengo.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.