Herodes I.a Handia

Wikipedia(e)tik
Hona jo: nabigazioa, Bilatu
Herodes Handiaren kobrezko txanpona.

Herodes I.a Handia (Askalon, K. a. 73 - Jerusalem, K. a. 4) juduen erregea izan zen.

Galileako eta Zelesiriako gobernaria (K. a. 47-46) izan ondoren, Erromara alde egin behar izan zuen Hirkano II.arengandik ihesi. Marko Antonioren eraginez, erromatarrek juduen erregetzat onetsi zuten (K. a. 40) eta erromatar legioen laguntzaz Jerusalem hartu zuen (K. a. 37). Actiumgo guduaren ondoren (K. a. 31) Oktavioren alde jarri zen. Aginpidea indartzeko xedez, asmonearrak, berearekin etsaiturik zegoen familia, suntsitu zituen, Hirkano II.aren biloba eta haren emazte Mariamna barne. Zesarean eta Samarian obra publiko handiak eginarazi zituen, eta Jerusalemgo tenplu berria eraikitzen hasi zen.

Azken urteetan, haren hamar emazteek emandako semeen arteko gatazka ugari sortu ziren. Herodesen heriotzaren ondoren, bizirik zirauten hiru semeen artean partitu zuten erreinua: Arkelao, Herodes Antipas eta Herodes Filipo Tetrarka.

Bibliaren arabera (Mt 2, 16), Jesus jaioberria galdu nahirik Belengo haurren hilketa agindu zuen.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Herodes I.a Handia Aldatu lotura Wikidatan