Herrera (Donostia)

Artikulu hau Donostiako auzoari buruzkoa da; beste esanahietarako, ikus Herrera (argipena).

Herrera
Gipuzkoa
Udalerria	Donostia
Herrera Herrera Herrera
Koordenatuak:	43.31944°N 1.93500°W / 43.31944; -1.93500
Garaiera	40 m

Herrera Donostiako (Gipuzkoa) auzoa da, berez Altzako parte dena eta Pasaiako Trintxerpe barrutiaren ondoan dagoena.

Garraio publikoak

Sakontzeko, irakurri: Herrerako geltokia eta Herrerako geltokia (Euskotren)

Herrera auzoa oso ondo komunikatuta dago bai hiriburuarekin, bai lurralde historikoko beste herri batzuekin. Oarsoaldea eta Bidasoaldera joaten diren bus linea guztiak Herreratik pasatzen dira, auzoa Pasaia, Errenteria, Oiartzun, Lezo, Irun eta Hondarribia udalerriekin lotuz.

Gipuzkoako Aldiriak ere Herrerako geltokian gelditu ohi dira, eta honek Herrera komunikatzen du zuzeneko trenen bidez Pasaia, Errenteria eta Irunekin (ekialderanzko bidean), eta Donostiako auzo ezberdinak, Hernani, Urnieta, Andoain, Billabona, Zizurkil, Anoeta, Tolosa, Alegia, Ikaztegieta, Legorreta, Itsasondo, Ordizia, Beasain, Ormaiztegi, Zumarraga, Urretxu, Legazpi eta Zegama udalerriekin (hegoalderunzko bidean).

Euskotrenek ere Herrerako metroaren geltokia du (obretan gaur egun), eta hurrengo udalerriekin lotzen du Herrera: Pasaia, Errenteria (Galtzaraborda, Erdialdea eta Fanderiako geltokien bidez), Oiartzun (Arraguako auzoa), Irun (Gaintxurizketa, Irungo Bentak, Belaskoenea, Colon eta Nazioarteko Zubia) eta Hendaia (ekialderuntz), eta Donostia (Loiola, Anoeta, Amara-Erdialdea, Lugaritz, Añorga eta Errekalde), Lasarte-Oria, Usurbil, Orio, Zarautz (San Pelaio eta Erdialdea), Zumaia (Erdialdea eta Arroa), Deba, Mendaro, Elgoibar (Altzola, Toletxegain eta Erdialdea), Eibar (Azitain, Erdialdea, Ardantza, Amaña, Unibertsitatea eta San Lorentzo) (mendebalderuntz).