Heterodon platirhinos
| Heterodon platirhinos | |
|---|---|
 | |
| Iraute egoera | |
 Arrisku txikia (IUCN 3.1) [1] | |
| Sailkapen zientifikoa | |
| Erreinua | Animalia |
| Filuma | Chordata |
| Klasea | Reptilia |
| Ordena | Squamata |
| Familia | Colubridae |
| Generoa | Heterodon |
| Espeziea | Heterodon platirhinos Latreille, 1801[2]
|
Heterodon platirhinos Heterodon generoko animalia da. Narrastien barruko Colubridae familian sailkatuta dago. Ameriketako Estatu Batuetako hegoaldean eta Mexikoko iparraldean bizi dira[3]. Ez da azpiespezierik ezagutzen[4].
Deskribapena[aldatu | aldatu iturburu kodea]
Dimorfismo sexuala dute, emea arra baino handiagoa baita. Lodi samarrak dira, 50 eta 115 cm bitarteko luzera dute guztira. Orban ilun handiak izaten dituzte, oro har, gris, marroi, beix, oliba edo arrosa koloreko hondo baten gainean. Bere ezaugarririk bereizgarriena bere buru handia da eta bere sudurraren forma zapalak txerrienaren antza du. Sabelaren kolorea grisa, krema edo arrosa da. 12,5 cm-tik 25,4 cm-ra bitarteko luzeran inkubatzen dituzte. Askotan kriskitin-sugeekin nahasten dira, baina erabat kaltegabeak dira. Suge horietatik bereiz daitezke, isatsean txintxirririk ez dutelako eta kriskitinen berezko foseta lorealik ez dutelako[5].
Portaera[aldatu | aldatu iturburu kodea]
Erabat kaltegabea da gizakientzat eta hegazti eta ugaztun handientzat. Suge hori mehatxatuta sentitzen denean, sugegorri bat ezin hobeto imitatzeko gai da, lepoa luzatuz, txistu moduko bat eginez eta bere burua mugituz, erasotzaile izan daitezkeenek ihesari ekin diezaioten. Estrategiak etsaia uxatzea lortzen ez badu, bihurritu eta astindu egiten da, konbultsioak izango balitu bezala, eta, eszena amaitzeko, sabela gora eta ahoa zabalik etzaten da, bere heriotza simulatuz. Gainera, bere kloakatik usaina botatzen du, usteldutako haragia izango balitz bezala, predatzaileak uxatzeko. Mingaina eskegita uzten dute ahotik kanpora, simulazioa hobetzen[6][7].
Batez ere egunez daude aktibo, nahiz eta jarduera goizetara eta arratsaldeetara mugatu dezaketen klima beroa dagoenean. Aire zabalean elikatzen dira eta eguzkia hartzen dute, baina normalean lurpean, enborretan edo obra-hondakinetan egoten dira. Beren gordelekuak eraikitzen dituzte edo beste animalia batzuenak zabaltzen dituzte. Gordeleku sakonetan edo zuhaitz-enborren azpian hibernatzen dute urriaren amaieratik apirilaren hasierara arte. Animalia bakartiak dira.
Beste suge batzuk bezala, usaimenaren zentzuan oinarritzen da, batez ere, ingurunea hautemateko eta komunikatzeko. Bibrazioekiko sentikorrak ere badira.
Erreferentziak[aldatu | aldatu iturburu kodea]
- ↑ (Ingelesez)IUCN 2012. IUCN Red List of Threatened Species. Version 2012.2. www.iucnredlist.org. 2012ko urriaren 20an eskuratua.
- ↑ The Species 2000 and ITIS Catalogue of Life
- ↑ Wright, Albert Hazen. (1957-). Handbook of snakes of the United States and Canada,. Comstock Pub. Associates ISBN 0-8014-0463-0. PMC 904340. (Noiz kontsultatua: 2022-10-28).
- ↑ «ITIS - Report: Heterodon platirhinos» www.itis.gov (Noiz kontsultatua: 2022-10-28).
- ↑ (Ingelesez) Jessee, Renee. «Heterodon platirhinos (Eastern Hognose Snake)» Animal Diversity Web (Noiz kontsultatua: 2022-10-28).
- ↑ Goin, Coleman Jett. (1978). Introduction to herpetology. (3d ed. argitaraldia) W.H. Freeman ISBN 0-7167-0020-4. PMC 3311196. (Noiz kontsultatua: 2022-10-28).
- ↑ Conant, Roger. (1991). A field guide to reptiles and amphibians : eastern and central North America. (3rd ed. argitaraldia) Houghton Mifflin ISBN 0-395-37022-1. PMC 22624703. (Noiz kontsultatua: 2022-10-28).
Ikus, gainera[aldatu | aldatu iturburu kodea]
Kanpo estekak[aldatu | aldatu iturburu kodea]
Datuak: Q2699564
Multimedia: Heterodon platirhinos / Q2699564
Espezieak: Heterodon platirhinos