Hiltzaile baten aitormena

Wikipedia(e)tik
Hona jo: nabigazioa, Bilatu
Hiltzaile baten aitormena
Egilea Joseph Roth (1936)
Generoa Eleberria
Datuak
Jatorrizko izenburua Beichte eines Mörders, erzählt in einer Nacht
Urtea 1936
Jatorrizko hizkuntza alemana
Herrialdea  Austria
Euskaraz
Izenburua Hiltzaile baten aitormena
Itzultzailea Matías Múgica
Argitaratzailea Igela (2003)
Bilduma Literatura saila
Orrialdeak 198
ISBN ISBN 8487484506

Hiltzaile baten aitormena (Beichte eines Mörders, erzählt in einer Nacht) Joseph Roth idazle judu austriarraren eleberri bat da. 1936an argitaratu zuten.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Parisko taberna batean, Semion Golubchik jaunak bere bizitza kontatzen die taberna bateko beste bezeroei, bi hilketa nola egin zituen azaltzeko. Eleberriak bi narratzaile ditu: Semion Golubchik hiltzailea eta tabernako bezero izengabe bat.

Golubchik jaunak XX. mendeko hirugarren hamarkadan egiten du bere kontaketa . Berak kontatutakoaren gehiena, ordea, Lehen Mundu Gerra baino lehenagokoa da, eta Errusian eta Parisen ditu kokapenak.

Pertsonaiak[aldatu | aldatu iturburu kodea]

  • Semion Semionovich Golubchik: protagonista. Kropotkin printzearen sasikumea eta tsarren polizia sekretuko kidea. Zaharra denean, bere bizitza kontatzen die egunero joaten den tabernako bezeroei.
  • Kropotkin printzea: Semionen benetako aita. Haren hezkuntzaz arduratzen da, baina ez dio eskubiderik onartu.
  • Kropotkin printze gaztea: Semionen haurriderdia. Egiazki, Kropotkin printzearen emaztearen semea da, nahiz eta printzeak printzetzat hartu, Semionen kaltean. Semionek biziki gorrotatzen du.
  • Jeno Lakatos: merkatari hungariarra. Semion bultzatzen du bere eskubideak eskatzera printzeari . Semionen bizitzako hainbat unetan agertzen da, bai Errusian bai Parisen. Bere kontaketan deabrua deitzen dio Semionek. Izen bereko merkatari hungariar bat Leviatana liburuan ere agertzen da.
  • Lutezia (Annette Leclaire): modeloa. Semion eta Kropotkin printze gaztea berataz maitemintzen dira. Semionen emaztea izango da.
  • Narratzailea: Semion dagoen tabernaren alboko hotelaren bezeroa. Semionen kontaketa entzuten du. Hotelera itzultzean Lakatosekin topo egiten du. Hanka egiten du hoteletik.