Hiperplasia

Wikipedia(e)tik
Hona jo: nabigazioa, Bilatu
Hiperplasia eta hipertrofiaren arteko desberdintasuna.

Hiperplasia ehun edo organo batean zelulen zenbakia gehitzea da, organo edo ehun horren bolumena eta funtzioa gehituz.

Hiperplasia gertatzeko zelulak DNA sintetizatzeko eta mitotikoki zatitzeko ahalmena izan behar du. Beraz, hiperplasiaren ondorioz tumore onberak ager daitezke. Hala ere, ez da neoplasia bat, hiperplasia kitzikapenei erantzuten dien prozesu fisiologikoa delako eta neoplasia aldiz, ez da prozesu fisiologikoa.

Hiperplasia eta hipertrofia ez dira gauza bera, azken honetan ehun edo organo bateko zelulen tamaina handitzen baita eta ez kopurua hiperplasian bezala.

Motak[aldatu | aldatu iturburu kodea]

Hiperplasia fisiologikoa edo patologikoa izan daiteke:

  • Hiperplasia fisiologikoa. Hazkuntza faktore edo hormonen ekintzak zelulen berraktibatzea eragiten dute, ugalketa gertatuz. Hazkuntza honen adibideak dira haurdunaldi eta edoskitzean ematen den bularren hiperplasia edo hepatektomiaren ondorengo gibelaren hiperplasia.
  • Hiperplasia patologikoa. Hazkuntzaren kitzikapena mantendu edo kitzikapen desegokiak agertzen direnean gertatzen da. Honen adibide bat prostataren hiperplasia da adineko gizonezkoetan. Hiperplasia fwenomeno automugatua izan ohi da gehienetan, baina autonomo bihurtzeko arrisua dago minbizia agertuz.

Ikus, gainera[aldatu | aldatu iturburu kodea]