Hiposomatotropismo

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Hazkuntza hormonaren edo somatotropinaren eskasiari esaten zaio hiposomatotropismoa edo enanismoa.

Etiologia

Gaixotasunaren arrazoiak hiru izan daitezke:

• Hipotalamoko lesioak: hazkuntza hormonaren hormona askatzailearen jarioan alterazioak daude.
• Hipofisiaren alterazioak: zelula somatotropoen gabezi kongenitoa edo GH molekularen akatsak.
• Arazo periferikoak: hormonarentzat hartzaile gutxi.

Adierazpen klinikoak

• Haurretan hazkuntza abiadura gutxitua dago eta ondorioz, taila txikia hartzen dute.
• Hezurren umotze atzeratua
• Pubertaroa atzeratu egiten da (18-20 urte) nahiz eta heldutasun sexual osoa lortzen den.
• Ehun proteikoa gutxi garatua: garapen muskular eskasa, larruazal mehea eta laringearen garapen eskas (ahotsa akutua).
• Hipogluzemiarako joera
• Gorputz enbor gizentasunerako joera.