Hiroshimako gaztelua

Hiroshimako gaztelua
	広島城
	100 Fine Castles of Japan
	Irudi gehiago
Kokapena
Estatu burujabe	Japonia
Japoniako prefekturak	Hiroshima
Izendaturiko hiria	Hiroshima
Japoniako auzoa	Naka-ku
Chōchō	Motomachi
Koordenatuak	34°24′10″N 132°27′33″E / 34.402728°N 132.459047°E
Historia eta erabilera
Berreraikuntza	1958
Eraikuntza	1589 - 1599
Suntsiketa	1945eko abuztuaren 6a
Berrikuntza	1989
Jabea	Toyotomi Hideyoshi
Erabilera	museoa
Arkitektura
Materiala(k)	harria, Hormigoi armatua eta zurra
Ordezkatzen du	Yoshida-Kōriyama Castle (en)
Ondarea
Irekiera egunak	egunero ; egunero
Kontaktua
Helbidea	広島県広島市中区基町21-1
	Webgune ofiziala

Hiroshimako gaztelua (japonieraz: 広島城, Hiroshima-jō^?) Japoniako Hiroshima hirian kokatuta dagoen gaztelu japoniar bat da. XVI mende bukaerakoa zen baina 1945eko abuztuaren 6an jaurtitako bonba atomikoak suntsitu zuen eta gaur egungo eraikina 1958an altxatutakoa da.

Historia[aldatu | aldatu iturburu kodea]

Mōri Terumoto daimyoak Hiroshima 1589an fundatu zuen eta gaztelua eraiki zuen 1592 eta 1599 artean. Hasierako gaztelua egurrezkoa zen eta batez ere pinua erabili zuten egiteko. Mōri Terumotok gaztelu hartatik bederatzi probintzia gobernatzen zituen baina 1600ko Sekigaharako borroka galdu ondoren Tokugawa shogunerriaren esku gelditu zen eta hauek Fukushima Masanori ezarri zuten bertako gobernadore.

1619an uholdeak izan ziren Hiroshiman eta gaztelua kaltetua izan zen. Garai hartan debekaturik zegoen Tokugawatarren baimenik gabe gazteluak eraikitzea baina Masanorik gaztelua berreraikitzea erabaki zuen. Berehala kendu zuten kargutik eta Asano Nagaakira bihurtu zen daimyo berri. Bere leinuak gobernatu zuen Hiroshima harik eta 1868ko Meiji berrezarkuntzak sistema feudala desegin zuen arte.

Meiji enperadoreak funtzio militarra ezarri zion gazteluari eta 1894-95eko Txinaren aurkako gerra zen bitartean enperadorea bertan bizi izan zen. Aurrez esan bezala 1945ean bonba atomikoak suntsitu zuen eta 1958an berreraiki zen.

Egitura[aldatu | aldatu iturburu kodea]

Gazteluak bost solairu ditu eta 26'6 metrotako altuera. Oinarria harrizkoa du eta honek beste 12'4 metrotako altuera du lurretik hasita. Lautada baten erdian egonik hiru putzu ditu inguruan babes gisa. Gazteluaren lurraldearen barnean Hiroshima Gokoku santutegia ere badago, bonbaren leherketaren aurretik ordea eraikin gehiago zeuden.