Hiru mosketariak

Wikipedia(e)tik
Hiru Musketariak» orritik birbideratua)
Hona jo: nabigazioa, Bilatu
Hiru mosketariak
Dartagnan-musketeers.jpg

Maurice Leloiren 1894ko irudia.

Egilea Alexandre Dumas (1844)
Generoa Historikoa, Abentura
Datuak
Jatorrizko izenburua Les Trois Mousquetaires
Urtea 1844ko martxoa-uztaila
Herrialdea Frantzia
Formatua Inprimatua (Azal gogorra)
Euskaraz
Izenburua Hiru mosketariak

Hiru mosketariak (frantsesez Les trois mousquetaires), Alexandre Dumas frantziar idazlearen eleberri bat da, bere eleberririk ezagunenetako bat. Istorio honetan, D'Artagnan gazte baten abenturak kontatzen dira, bere etxetik, musketari bihurtzeko irten ondoren. D'Artagnan ez da izenburuko musketarietako bat, baizik eta kide izango dituen Athos, Portos eta Aramis.

D'Artagnanen istorioak, Hogei urte beranduago eta Bragelonneko bizkondea eleberrietan jarraitzen du. Dumasen hiru eleberri hauek, D'Artagnanen eleberriak bezala ezagutzen dira.

Hiru mosketariak, lehen aldiz, sail eran argitaratu zen Le Siécle aldizkarian, 1844ko martxoa eta uztaila bitartean. Dumasek, eleberri hauek idazteko, Bibliothèque Nationalen aurkitu zituen eskuizkribuetan oinarritu zela esan zuen. Gatien de Courtilz de Sandrasek (Kolonia, 1700) Dumasek, bere lana, Mémoires de Monsieur d'Artagnan, capitaine lieutenant de la première compagnie des Mousquetaires du Roi Batushei (D'Artagnan jaunaren memoriak, Erregeren Mosketarien lehen konpainiako teniente kapitainarenak) liburuan oinarritu zuela frogatu zen. Liburu hau, Marsellako liburutegi publikoak utzi zuen, eta uzte fitxa, egundaino mantentzen da (Dumasek, berarentzat hartu zuen liburua, Parisera itzuli zenean)

Istorioa[aldatu | aldatu iturburu kodea]

D'Artagnan gazteak, bere jaioterria den Gaskonia uzten du, Parisera joateko, non Luis XIII.a Frantziakoaren zerbitzura sartu nahi duen. Bidean, kalteren batzuk jasaten ditu, nagusiki, bere izaera gogorragatik, honen ondorioz, Athos, Portos eta Aramis musketariei aurre egin behar dielarik. Bere kemena frogatu ondoren, areriotasuna, adiskidetasun bihurtzen da, Arroxelaren setioan izan zuen ekintza ausartaren ondorioz, musketarien taldean onartua da, antzina aizkolari menditarrak zirenak. Bere hiru lagunekin batera, Richelieu Kardinal boteretsua eta Lady Winterrekoa, Milady bezala ezagunagoarekin borroka batean sartzen da. Ana Austriakoa erreginaren ohorea salbatzeko, Kardinalak, azpijoko baten bidez, erregea eta George Villiers, Buckinghameko dukearen arteko maitasun harremana agerian utzi nahi duena, musketariek, euren abenturarik arriskutsuena hasiko dute, honetan, Ingalaterrara joan beharko direlarik.

Egokitzeak[aldatu | aldatu iturburu kodea]

Commonsen badira fitxategi gehiago, gai hau dutenak: Hiru mosketariak Aldatu lotura Wikidatan