Hizkuntza Eskubideen Behatokia

Hizkuntza Eskubideen Behatokia euskaldunen hizkuntz eskubideen alde egiteko Euskararen Gizarte Erakundeen Kontseiluak sustatutako fundazio bat da.

Behatokia Euskal Herriko herritarren hizkuntza-eskubideez arduratzen da eta eskubide horiek Euskal Herri osoan, arlo publikoan zen pribatuan, babestera zuzentzen du bere jarduera.

• Euskararen telefonoa (902 194 332/+33559594948) doako zerbitzua abian jarri zuen Behatokiak. Euskararen telefonoa hizkuntza-eskubideen urraketei konponbidea emateko tresna zuzen eta eraginkorra izan nahi duen zerbitzua da.

• Behatokiak herritarren kexak bideratzen ditu erakunde publiko zein pribatuen aurrean, eta beharrezkoa denean, bide judizialera ere jotzen du.

• Hizkuntza-eskubideen egoeraren azterketa eta txostenak egiten ditu eta horiek euskal gizartearen eskura jarri. Euskal Herriko administrazio erakundeei eta nazioartekoei aurkezten dizkie, euskal hiztunen hizkuntza-bazterkeriaren berri eman eta oinarrizko eskubideak errespetarazteko.

• Hizkuntza-eskubideen edukiak zabaltzen ditu. Horretarako, hainbat kanpaina egin izan ditu, bai eta gaztetxoekin hizkuntza-eskubideak lantzeko unitate didaktikoa ere.

Ikus, gainera

• Euskararen Gizarte Erakundeen Kontseilua

Kanpo loturak

• (Euskaraz) Behatokiaren web orria
• (Euskaraz) Euskararen telefonoa