Homo floresiensis

Wikipedia(e)tik
Hona jo: nabigazioa, Bilatu

Filozoa

Homo floresiensis
Fosilaren garaia: 94–13 Ka

Sailkapen zientifikoa e
Erreinua: Animalia
Filuma: Chordata
Klasea: Mammalia
Ordena: Primates
Familia: Hominidae
Generoa: Homo
Espeziea: Homo floresiensis
Brown et al., 2004
Hedapen mapa

Homo floresiensis (Floresko gizakia, hobbit eta Flo ezizenak dituena) Homo generoaren balizko espezie iraungitua da. 2003an Indonesiako Flores uhartean aztarnak topatu zituzten: bederatzi espezimen ezberdinekoak eta, tartean, buru-hezur oso bat. Duela gutxira arte, duela 12.000 urte, bizi zirenez eta egungo gizakiarekin lotura estua dutenez dudatan dago espezie ezberdina den ala ez.

Wikispezieetan informazioa gehiago aurki dezakezu: Homo_floresiensis

Aurkikuntza[aldatu | aldatu iturburu kodea]

2003an, Liang Bua kobazuloaren aztarnen artean, 18.000 urteko eskeleto subfosil bat aurkitu zuten; besoetako hezurrak baino ez zitzaizkion falta.

Geroago, 2004an, beste bederatzi lagunen arrastoak aurkitu ziren leku berean; denak txikiak. Lanabes txikiak aurkitu zituzten ere, 90.000 urtetik 13.000rakoak direla estimatzen direnak.

Flores uhartea "mundu galdutzat" deskribatu dute Nature aldizkarian. Munduko gainerako lekuetan desagertutako animali batzuek irla horretan eboluzionatu zuten, eta itxura erraldoiak edo nanoak hartu zituzten. Esaterako, elefante nanoak eta sugandila erraldoiak (Komodoko dragoiaren antzekoak) zeuden irlan.

Liang Bua kobazuloa

Jatorria[aldatu | aldatu iturburu kodea]

Adituek hobbit izenordea eman zieten espezie honetako kide txikiei, J.R.R. Tolkien idazlearen liburuetako pertsonaiak bezala. Homo floresiensis-ek 74.000 urte inguru ditu; haren arrastoak ez daude fosilizatuta; bigunak dira eta hezurrak aurkitu bezain laster lehortzen utzi behar dira, atera baino lehen. ADN mitokondrial egokia aurkitzea espero dute; horrela, Homo sapiens espeziearen ADNarekin alderatu ahalko dute. Hala ere, itxaropenak ez dira oso handiak, ADN mota hori klima tropikaletan ez baita oso ondo mantentzen.

Anatomia[aldatu | aldatu iturburu kodea]

Homo erectus espeziea, Homo floresiensis-aren arbaso zuzena omen zena, gizaki modernoaren altuera berekoa zen, gutxi gorabehera. Hala ere, adituen arabera, irlan elikagaien eskasia zegoen; eta ondorioz, hara ailegatutako Homo erectus-ak uharteetako nanismoa jasan omen zuen, han bizi ziren espezie askoren antzera.

Gorputz txikia izateaz gain, H. floresiensis espezieak oso burmuin txikia zuen. Aurkitutako espezimenarena 380 cm³-koa zen, txinpantzearen edo Australopithecus generoko espezieen antzera. Oso nabarmena da H. erectus-aren burmuinaren bolumena 980 cm³-koa izatea, eta haren ondorengoa omen den Homo floresisensis espeziearena horren erdia izatea. Dena den, ez da uste ezberdintasun handiak egon zirenik inteligentziari dagokionez bi espezieen artean, burmuin eta gorputz-masaren arteko erlazioagatik. Janariak prestatzeko sua erabiltzen zutela uste dute, baita harrizko erremintak ere.

Homo floresiensis - steps of forensic facial reconstruction.png

Biziraupena[aldatu | aldatu iturburu kodea]

Homo floresiensis-a gizaki modernoekin batera bizi izan zen, baina haien arteko elkarrekintzak ezezagunak dira. Geologia analisiek diote erupzio bolkaniko baten ondorioz desagertu zela, duela 12.000 urte inguru, faunaren zati handi batekin batera (esaterako, Stegodon nanoa eta arratoi erraldoiak).

Hortaz, neanderthala eta beste hominidoak baino askoz denbora gehiago bizi izan zen.

Zenbait adituk uste dute espezie hau denbora gehiago bizi izan zela Flores uharteko beste leku batzuetan, eta agian hori dela herritarrek kontatzen dituzten istorio folklorikoen iturria.

Commonsen badira fitxategi gehiago, gai hau dutenak: Homo floresiensis Aldatu lotura Wikidatan


Biologia Artikulu hau biologiari buruzko zirriborroa da. Wikipedia lagun dezakezu edukia osatuz.