Huế

Huế hiriaren kokalekua.

Huế Vietnamgo hiria da, Annam lurraldean dagoena, itsasotik 10 km-ra. Binh Tri Thien probintziako hiriburua da. Merkataritzagune garrantzitsua da, eta oihalgintza (kotoia, zeta) ere ekonomia jarduera nabarmena da hiri hartan. Hiriko Phu Bai aireportuak nazioarteko hegaldiak hartzen ditu.

Historia

XVII. mendean Annamgo Nguyen jaunek Huế hirian ezarri zuten beren egoitza. Gia-long enperadoreak hiria gotortu eta Annamgo hiriburu bihurtu zuen. 1883an, frantsesek hartu zuten mendean, eta, askapenerako gerran, ia guztiz deseginda geratu zen (1968ko eta 1972ko guduak). Huếko kulturak zeresan handia izan du vietnamdar zibilizazio modernoan.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.