Hugo Wolf
Hugo Wolf (Windischgraz, Austria, 1860ko martxoaren 13a - Viena, Austria, 1903ko otsailaren 22a) esloveniar jatorriko austriar musikagilea eta musika-kritikaria izan zen.
[aldatu] Biografia
1875. urtean Vienako Kontserbatorioan hasi zen ikasten, baina bidali egin zuten. Pianoko eskolak eman behar izan zituen bizimodua ateratzeko. 1884-1887. urteetan musika-kritikaria izan zen Vienan, eta etsai asko izan zituen Wagner goraipatu eta Brahmsi eraso ziolako.
1888. urtean Wolfek 300 bat lied idatzi zituen Mörike, Eichendorff eta Goetheren testuen gainean. Bestalde, 1891. urtean Spanisches Liederbuch kanta-bilduma idatzi zuen, espainiar kantuei buruzkoa, eta 1892-1896. urteetan, berriz, Italianisches Liederbuch, kantu italiarrei buruzkoa. Beste lan aipagarri batzuk: Der Corregidor (1896) opera, pianorako lanak, orkestrarako lanak eta ganberako musika.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
