Humberto Giannini

Humberto Gianinni Íñiguez (San Bernardo, 1927ko otsailaren 25a - Santiago, 2014ko azaroaren 25a) txiletar filosofo eta idazlea izan zen.

"Elkarbizitzaren eta tolerantziaren" filosofotzat hartua da.

Biografia

Italian egin zituen graduazio ondoko ikasketak, eta Txileko zenbait unibertsitatetako irakaslea izan da harrezkero. Hamahiru liburu idatzi ditu, besteak beste, Reflexiones sobre la convivencia humana (1965, Gizakiaren elkarbizitzari buruzko gogoetak), El mito de la autenticidad (1968, Benazkotasunaren mitoa), El tiempo y el espacio en Kant y Aristóteles (1983, Denbora eta espazioa Kanten eta Aristotelesen), La reflexión cotidiana (1987, Eguneroko gogoeta), La experiencia moral (1992, Esperientzia morala), Del bien que se espera y del bien que se debe (1997, Itxaroten den ongiaz eta zor den ongiaz).

Bere obrarik ospetsuena, dena den, 1977. urtean argitara emandako Breve historia de la filosofía (Filosofiaren historia laburra) izan da; dagoeneko liburu horren hamazazpi argitalpen egin dira. Gianninik artikuluak idatzi ditu, bestalde, Txile, Italia, Frantzia eta beste zenbait herrialdetako aldizkari espezializatuetan. UNESCOk sorturiko Filosofiako lehenengo katedraren zuzendaria da gaur egun (halako hiru katedra besterik ez daude mundu guztian), eta Filosofiako Nazioarteko Kolegioko ohorezko batzordeko kidea ere bada.

Sariak

• Manuel Montt Saria
• Santiagoko Sari Munizipala , 1984
• Parisko Unibertsitatean Honoris Causa doktoretza, 1998
• Premio Nacional de Humanidades y Ciencias Sociales, 1999
• Ilustre Municipalidad de Ñuñoa, 2011
• Altazor Saria, 2009

Lan hautatuak

• Reflexiones acerca de la convivencia humana (1965)
• El mito de la autenticidad (1968)
• Desde las palabras (1981)
• Breve Historia de la Filosofía, 1985
• La reflexión cotidiana: hacia una arqueología de la experiencia (1987), ISBN 956-11-1720-7
• La experiencia moral (1992)
• Del bien que se espera y del bien que se debe (1997)
• La metafísica eres tú, 2007

Erreferentziak

• Datuak: Q11682644