Hunan

Wikipedia(e)tik
Hona jo: nabigazioa, Bilatu

Hunan (湖南)
Húnán Shěng

Estatua TxinaTxina
Hiriburua Changsha
China Hunan.svg
Azalera
211.800 km²
Gobernadorea Zhou Qiang
Biztanleria
Dentsitatea
66.980.000 (2004)
316 bizt/km²
Etniak Han %90
Tujia %4
Miao %3
Web www.hunan.gov.cn

Hunan (湖南 txinera sinplifikatuz), Txinako Herri Errepublikako probintzia baten izena da. Probintziak 211.800 kilometro koadroko azalera dauka eta 2004ko erroldaren arabera 66.980.000 biztanle bizi ziren bertan.

Probintziako hiriburua Changsha da.

Inguru naturala eta kokapena[aldatu | aldatu iturburu kodea]

Wulingyuango harri egituren ikuspegia.

Hunan probintziak Hubei probintziarekin egiten du muga iparraldean, Jiangxi probintziarekin ekialdean, Guangdong hegoaldean, Guangxirekin hego-mendebaldean, Guizhou probintziarekin mendebaldean, eta Chongqing udaltasunarekin ipar-mendebaldean.

Probintzia Yangtze ibaiaren hegoaldeko aldean (Changjiang, 长江) dago, ibaiaren ibilbidearen erdira aldera. Shanghai 1000 kilometrora, Beijing 1200 kilometrora eta Guangzhou 500 kilometrora daude. Probintziaren ekialde, hegoalde eta mendebaldea, mendi eta haranez inguratuta daude, honen adibide Wuling Mendiak ipar-mendebaldean, Xuefeng Mendiak mednebaldean, Nanling Mendiak hegoaldean, eta Luoxiao Mendiak ekialdean. Probintziaren erliebe malkartsuaren adierazgarri, haranak probintziaren azaleraren %20 baino ez dira.

Xiangjiang, Zijiang eta Lishui ibaiek Yangtze ibaiarekin bat egiten dute probintziaren iparraldean, Dongting lakuan. Dongting lakua probintziako lakurik handiena eta Txinako bigarrena da. Mendeetan zehar nekazaritzaren hedapenak, lakua zatitan banatu eta azalera gutxitu duen arren, azken urteetan, lakuaren jatorrizko itxura berreskuratzeko ekimenak izan dira.

Klima[aldatu | aldatu iturburu kodea]

Hunan probintziak klima azpitropikala dauka, neguak euritsuak eta epelak dira eta udak sargoriak eta are euritsuagoak. Urtarrileko batez besteko tenperatura 3 eta 8 gradu artekoa eta uztailekoa 27 eta 30 gradu bitartekoa da.

Urteko batez besteko prezipitazioak 1.200 eta 1.700mm bitartekoak dira, eta batez ere maiatzetik urrira bitartean ematen dira.

Banaketa administratiboa[aldatu | aldatu iturburu kodea]

Mapa # Izena Txinera sinplifikatuz Pinyineraz Mota
HunanMap.png
1 Changsha 长沙市 Chángshā Shì Prefektura mailako hiria
2 Changde 常德市 Chángdé Shì Prefektura mailako hiria
3 Chenzhou 郴州市 Chénzhōu Shì Prefektura mailako hiria
4 Hengyang 衡阳市 Héngyáng Shì Prefektura mailako hiria
5 Huaihua 怀化市 Huáihuà Shì Prefektura mailako hiria
6 Loudi 娄底市 Lóudǐ Shì Prefektura mailako hiria
7 Shaoyang 邵阳市 Shàoyáng Shì Prefektura mailako hiria
8 Xiangtan 湘潭市 Xiāngtán Shì Prefektura mailako hiria
9 Yiyang 益阳市 Yìyáng Shì Prefektura mailako hiria
10 Yongzhou 永州市 Yǒngzhōu Shì Prefektura mailako hiria
11 Yueyang 岳阳市 Yuèyáng Shì Prefektura mailako hiria
12 Zhangjiajie 张家界市 Zhāngjiājiè Shì Prefektura mailako hiria
13 Zhuzhou 株州市 Zhūzhōu Shì Prefektura mailako hiria
14 Xiangxi (Tujia eta Miao) 湘西土家族苗族自治州 Xiāngxī Tǔjiāzú Miáozú Zìzhìzhōu Prefektura autonomoa

Politika[aldatu | aldatu iturburu kodea]

Hunan probintziako gobernadorea Zhou Qiang da. Txinako Alderdi Komunistak probintzian duen ordezkaria Zhang Chunxian da.

Garraioa[aldatu | aldatu iturburu kodea]

Aireportuak[aldatu | aldatu iturburu kodea]

Kokapen Hiria NAZE NAGE Aireportuaren izena
HUNAN
Changde ZGCD CGD Changde Aireportua
Changsha ZGHA CSX Changsha Huanghua Nazioarteko Aireportua
Zhangjiajie DYG Zhangjiajie Aireportua
Hengyang ZGHY HNY Hengyang Aireportua

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Hunan Aldatu lotura Wikidatan


Geografia
Txinako Herri Errepublika
Artikulu hau Txinako geografiari buruzko zirriborroa da. Wikipedia lagun dezakezu edukia osatuz.