Husum

Husum
Schleswig-Holstein
Husumgo kaia
Izen ofiziala	Husum
Herrialdea Estatua Barrutia	Alemania Schleswig-Holstein Nordfriesland barrutia
Alkatea	Rainer Maaß (SPD)
Koordenatuak	54°28′N 09°03′E
Husum
Eremua	25,82 km2
Garaiera	14 m
Posta kodea	25801–25813
Biztanleria	22.084 bizt. (2010)
Dentsitatea	855,31 bizt./km²
Matrikula	NF
http://www.husum.org

Husum (ipar frisieraz Hüsem), Alemaniako Schleswig-Holstein estatu federaleko hiria da, Jutlandia penintsularen mendebaldean kokaturik dagoena eta Nordfriesland barrutiko hiriburua.

Geografia

Ipar itsasoaren ertzean dago, Kieletik 82 kilometro mendebaldera.

Historia

Abel I.a Danimarkakoaren heriotza kontatzen den 1252ko idatzi batean aipatzen da lehenengo aldiz Husum hiria, Husembro izenarekin bada ere.

Husumgo gaztelua (Schloss vor Husum)

Ipar Itsasoaren ertz honetako beste hiriak bezala, arrisku handia izan da beti itsasotik datorren ekaitzarengatik. Bereziki aipatzekoa da 1362ko uholde handia, kostaldean ez zegoen Husum herriraino itsasertza ekarri zuena. Husumdarrek kaia eraiki zuten eta herriaren aberasten eta handitzen hasi zen.

Ondasun nabarmenak

• Husumgo gaztelua (Schloss vor Husum): Holstein-Gottorf dukeen egoitza zena 1582an eraiki zen.
• Andre Mariaren eliza (Marienkirche): 1807an erori egin zen eta 1833an berreraiki behar izan zen.

Ekitaldiak

• Husum WindEnergy: Energia eolikoaren inguruan egiten den nazioarteko erakusketa handiena da. Bi urtean behin egiten da eta bertan produktu berriak, zerbitzuak eta arazoen aurreko irtenbideak aurkezten dira. Azkenengo ekitaldia 2010eko irailean izan zen. Bertan 1200 enpresak hartu zuten parte eta mundu guztiko 36.000 bisitari izan zituen.

Hiritar ezagunak

• Nicolaus Bruhns (1665-1697), musikaria.
• Theodor Storm (1817-1888), poeta eta idazlea.

Hiri senidetuak

• Kidderminster (Erresuma Batua)
• Trzcianka (Polonia)
• Heiligenstadt (Alemania)
• Gentofte (Danimarka)

Kanpo loturak

• (Alemanez) Udalaren webgune ofiziala
• (Ingelesez)(Alemanez) Husum WindEnergy 2012 webgunea