Iñaki Williams

Iñaki Williams
	; Irudi gehiago
Bizitza
Jaiotzako izen-deiturak	Iñaki Williams Arthuer
Jaiotza	Bilbo, 1994ko ekainaren 15a (29 urte)
Herrialdea	Bizkaia, Euskal Herria
Familia
Anai-arrebak	ikusi Nico Williams;
Hezkuntza
Hizkuntzak	gaztelania; ingelesa; twia
Jarduerak
Jarduerak	futbolaria
Ibilbidea
Posizio edo espezialitatea	aurrelaria
Kirol zenbakia	9
Lateralitatea	eskuina
Pisua	77 kilogramo
Altuera	1,86 metro

Iñaki Williams (Bilbo, 1994ko ekainaren 15a) euskal herritar futbolaria da. Pamplona Kirol Elkartetik Lezamara heldu zen jubenila zela, egun Athleticen jokatzen du. Gurasoak Ghanakoak ditu. Iñakiren anaia Nico ere futbolaria da.

Bizitza[aldatu | aldatu iturburu kodea]

Iñakik bere bizitzako lehenengo egunak Bilbon pasatu zituen, baina Iruñean hazi zen. Bilbotik gurasoak Sesmara (Nafarroa Garaia) joan ziren, bertan aita nekazaritzan lan egin zuen etxalde batean.^[1] Iñakik eskola hasi behar zuenean, Iruñera joatea erabaki zuten. Futboleko lehen urratsak Iruñeko Igeriketa Elkartean egin zituen.^[2]

2008tik 2012ra Pamplona futbol-taldean jokatu zuen. Talde horrek Athletic taldearekin harreman onak zituenez, 2012an Bilbora joan zen Iñaki. Beheko mailetan oso nabarmena zen haren jokoa; Athleticen egin zuen lehenengo denboraldian 35 gol sartu zituen guztira. Horri esker, gazteen Errege Kopan finaleraino iritsi ziren, eta NextGen serieetan parte hartu zuen, geroago lehen taldean etorkizun handia izan zuten beste batzuk lagun zituela: Kepa Arrizabalaga, Yeray Álvarez eta Aymeric Laporte. Hurrengo urtean Athleticen bi filialetan jokatu zuen: denboraldi erdi bat Baskonian, non 7 gol sartu zituen, eta beste erdia Bilbao Athleticen, non beste 8 gol egin zituen. 2014ko abenduaren 6an egin zuen debuta lehen taldearekin. Administrazio gradu bat ikasi zuen, eta Ghanara laguntza bidaltzen duen elkarte bateko kide da.^[3]

Iñakiren ama Maria Arthuer Liberian jaio zen, eta oso gaztetik Ghanara joan zen bizitzera Liberiako gerra zibiletik ihesi. Mariak Felix Williams ezagutu zuen Buduburamgo errefuxiatu eremuan, eta Europaraino 3.500 kilometroko bidea egin zuten elkarrekin, errepidez. Etortzear zeuden seme-alabentzat bizileku hobea nahi zuten. Melillatik Bilbora jo zuten, eta han Iñaki Mardones apaizaren laguntza jaso zuten; haren omenez jarri zioten Iñaki seme zaharrenari. Handik gutxira Iruñera mugitu ziren lanagatik, eta gero aita Londresera joan zen, lanagatik orobat. Iñakik bere lehen kontratu profesionala sinatu zuenean, aita familia osoarekin bildu zen berriro, zazpi urte geroago. Nico Williams Iñakiren anaia da, 2002an jaioa, 2013tik Athleticen jokatzen duena, hasieran kategoria txikietan, eta 2020-21 denboralditik Athetic-en talde nagusian ere bai.^[3]

Kirol ibilbidea[aldatu | aldatu iturburu kodea]

2022ko Maiatzak 31n eguneratua. Datu ofizialak.

Taldea	Maila	Denboraldia	Liga		Kopa		Champions League		Europa League		Conference League		Superkopa		Denera
Taldea	Maila	Denboraldia	JP	G	JP	G	JP	G	JP	G	JP	G	JP	G	JP	G
Baskonia	3.	2013/14	18	7	-	-	-	-	-	-			-	-	18	7
Baskonia	Denera		18	7	-	-	-	-	-	-			-	-	18	7
Bilbao Athletic	2.B	2013/14	14	8	-	-	-	-	-	-			-	-	14	8
	2.B	2014/15	18	13	-	-	-	-	-	-			-	-	18	13
	Denera		32	21	-	-	-	-	-	-			-	-	32	21
Athletic	1.	2014/15	19	1	4	1	0	0	2	1			-	-	25	3
	1.	2015/16	25	8	5	3	-	-	7	2			0	0	37	13
	1.	2016/17	38	5	3	2	-	-	8	1			-	-	49	8
	1.	2017/18	38	7	1	0	-	-	13	3			-	-	52	10
	1.	2018/19	38	13	3	2	-	-	-	-			-	-	41	15
	1.	2019/20	38	6	7	4	-	-	-	-			-	-	45	10
	1.	2020/21	38	6	7	1	-	-	-	-			2	1	47	8
	1.	2021/22	38	8	4	0	-	-	-	-	-	-	2	0	44	8
	1.	2022/23	36	10	6	1	-	-	-	-	-	-	-	-	42	11
	1.	2023/24	-	-	-	-	-	-	-	-	-	-	-	-	-	-
	Denera		308	64	40	14	0	0	30	7	-	-	4	1	382	86
Ibilbide osoan			358	92	40	14	0	0	30	7	-	-	4	1	432	114

Tituluak[aldatu | aldatu iturburu kodea]

Erreferentziak[aldatu | aldatu iturburu kodea]

↑ (Gaztelaniaz) Uriarte, Jon. (2020-02-24). «El religioso por el que Williams se llama Iñaki» COPE (Noiz kontsultatua: 2021-04-07).
↑ (Gaztelaniaz) «Athletic: El viaje de la familia Williams desde Ghana hasta Bilbao» Mundo Deportivo 2018-05-30 (Noiz kontsultatua: 2021-04-07).
↑ ^a ^b Magro Eizmendi, Imanol. (2017-08-05). Ahomentan. (Noiz kontsultatua: 2017-08-06).

Kanpo estekak[aldatu | aldatu iturburu kodea]

Fitxa - www.athletic-club.eus

Datuak: Q18608497
Multimedia: Iñaki Williams / Q18608497

[1] (Gaztelaniaz) Uriarte, Jon. (2020-02-24). «El religioso por el que Williams se llama Iñaki» COPE (Noiz kontsultatua: 2021-04-07).

[2] (Gaztelaniaz) «Athletic: El viaje de la familia Williams desde Ghana hasta Bilbao» Mundo Deportivo 2018-05-30 (Noiz kontsultatua: 2021-04-07).

[:0-3] Magro Eizmendi, Imanol. (2017-08-05). Ahomentan. (Noiz kontsultatua: 2017-08-06).

[1]

[2]

[3]