Ibañeta

Ibañeta 778-1967 oroitarria.

Ibañeta Nafarroako mendatea da, Nafarroako Garaiko Orreaga eta Luzaide herriak eta Nafarroa Behereko Donibane Garazi herria lotzen dituena.

1.057 metroko altueran dago, Orreagatik bi kilometrora.

Historia

Ibañetako ikuspegia.

Orreagako gudua

Orreagako gudua inguru honetan egin zuten. Han garaitu zuten euskaldunek Karlomagno 778. urtean. Ermita bat dago gainean gudu haren oroigarri.

Donejakue bidea

Berebiziko garrantzia izan zuen XIII. mendearen bukaera arte X. mende aldera Ibañetako gainean eraiki zen monasterioak. Donejakue bideko igarobide nagusietakoa izan zen mendeetan zehar Ibañetako mendatea, eta haren ondoan eraiki ziren Orreagako erietxea eta prioretxea.

Inguru naturala

Ortzanzurieta (1.567 m), Astobizkar (1.506 m), Txangoa (1.471 m) eta Urkulu (1.419 m) mendiek inguratzen dute Ibañeta.

Ikus, gainera

• Euskal Herriko mendateak
• Orreagako oroitarria

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.