Ignacio Iriarte

Ignacio Iriarte Zabala (Azkoitia, 1621 - Sevilla, 1685) Gipuzkoako margolaria izan zen. 22 urte zituela Sevillan jarri zen bizitzen, eta paisaiak margotzen nabarmendu zen berehala. Bartolomé Esteban Murillo margolari handiaren laguna izan zen. Iriarteren obrak euskal pinturaren harribitxitzat hartuak dira mundu guztian zehar. Bere margolanik gehienak partikularren eskuetan eta Prado, Louvren eta San Petersburgoko museoetan daude ikusgai. Titulu ezagunak: San Ignazio; San Frantzisko Paduakoa; Abrahamen sakrifizioa; Herri menditsu eta basotsua, aintzira baten ondoan; Paisaia: dorre bat harkaitz baten gainean eta aintzira bat; Paisaia: moztutako zuhaitz enborra erreka baten ondoan eta Paisaia: hondakinak muino batean, ibai baten ertzean.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.