Ignazio Orbegozo

Ignazio Orbegozo
	Ignazio Orbegozo "Arriya" (ezkerrean) eta Jeronimo Iturbe "Agiñeta" aizkolariak 1942an
Bizitza
Jaiotza	Azpeitia, 1901 (122/123 urte)
Herrialdea	Gipuzkoa, Euskal Herria
Familia
Seme-alabak	ikusi Jose Ignazio Orbegozo;
Hezkuntza
Hizkuntzak	euskara; gaztelania
Jarduerak
Jarduerak	aizkolaria

Ignazio Orbegozo Juaristi, ezizenez Arriya eta Arria I.a (Azpeitia 1901 - ) aizkolaria izan zen.

Bizitza[aldatu | aldatu iturburu kodea]

Azpeitiko Arria baserrian sortu zen^[1]. Gorputz gaitasun ezin hobea zuen, baino askotan ez zen egoki prestatzen. Dena dela, ongi entrenatzen zelarik, aurkari gogorra izaten zen edonorentzat. 1935eko maiatzaren 12an Jeronimo Iturbe Agiñeta hiru segundoz garaitu zuen Tolosan, 72 ontzako seina enbor moztera jokatutako apustuan^[2].

Espainiako Gerraren ostean ere apustu sonatuak jokatu zituen. 1948ko ekainaren 6an Azpeitiko zezen plaza mukuru bete zen Antonio Soraluze Kortaren aurkako apustua ikusteko. Bakoitzak 60 ontzako zortzi enbor eta 36 ontzako 30 enbor ebaki behar zituen. Arriak ordu bat, 40 minutu eta 44 segundotan bukatu zuen lana eta Korta erretiratu zen. 1949ko abenduaren 18an, berriz, Martin Garziarena gaztearen aurkako apustua galdu zuen. Leitzarrak ordu bat, 17 minutu eta 57 segundotan egin zuen lana (54 ontzako hamar enbor eta 108 ontzako beste bi ebakitzea) eta Arriak ez zuen amaitu^[3]. 1950eko txapelketa nagusian parte hartu zuen. 1952an utzi zuen aizkora.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]

Datuak: Q12259474

[1] Uztarria.com: Arriya II.a. Aizkolari mundiala

[2] Auñamendi Eusko Entziklopedia: Ignacio Orbegozo Juaristi

[3] uztarria.com: Azpeitiko efemerideak^{[Betiko hautsitako esteka]}

[1]

[2]

[3]